ဤဘလော့တွင် ရေးသားထားသော စာတစ်ပုဒ်ကို ဖြစ်စေ၊ စာတစ်ပိုဒ်ကို ဖြစ်စေ၊ စာတစ်ကြောင်းကို ဖြစ်စေ စီးပွားရေးအရ မဟုတ်ဘဲ မည်သည့်နေရာတွင် မဆို ကူးယူဖော်ပြလိုပါက ပိုင်ရှင်၏ ခွင့်ပြုချက် ရယူရန် မလိုဘဲ မည်သူမဆို ကိုးကားညွှန်းဆို၍ ပြန်လည် ဖော်ပြပေးမယ်ဆိုရင် ကျေးဇူး အများကြီး တင်ပါတယ်ရှင်။
Showing posts with label ဟိုဟိုဒီဒီ. Show all posts
Showing posts with label ဟိုဟိုဒီဒီ. Show all posts

Wednesday, October 31

You


                  My life was perfectly OK without you. You stormed into my life when I least expected you. You turned my world upside down. You played tricks on me, tortured me and left a scar in my heart. My heart was bleeding and even so you didn’t care about my wounded heart. You are such a merciless and ruthless idiot that you have destroyed my world with all your might and your inflated ego. You know what? I have never wanted you in my life even for a second so don’t think too highly of yourself. You feed on my anger, fear and loneliness and worse you have taken away all my dreams. You are such an intruder that you don’t even give me some space to explore new things in my dream world. So would you just leave me alone and stop giving me so much trouble because I can’t bear it anymore. All I want is a good night’s sleep. So LEAVE ME ALONE you Goddamn INSOMNIA.

 Chaos

Sunday, October 14

ဖွင့်ဟ၀န်ခံခြင်း

ကျုပ်ကို လူတော်တော် များများက တာဝန်ကျေပြွန်တဲ့ သူလို့ သိထားကြပေမယ့် သူတို့ ကျုပ်ကို သဘောမကျကြဘူး။ ဒါပေမယ့်လဲ သူတို့ ကျုပ်နဲ့ အဝေးမှာ မနေနိုင်ကြပြန်ဘူး။ ဘာလို့လဲဆို ကျုပ်က သူတို့ရဲ့ နေ့တဓူဝ ဘ၀ထဲမှာ အရေးပါတဲ့ တစ်ထောင့်က နေရာယူထားလို့လေ။ 

ကဲဗျာ.....သူတို့ ဖြစ်စေချင်တဲ့ ဆန္ဒတွေဆို ကျုပ် အကုန်ဖြည့်ဆည်းပေးတယ် ဘယ်တော့မှ စောဒက မတက်ဘဲနဲ့ပေါ့။ ဒါပေမယ့်လဲ ကျုပ်ကို သူတို့ တန်ဖိုးမထားကြဘူးဗျာ။ သူတို့နေ့စဉ် အလုပ်တွေ ပြီးမြောက်ဖို့ ကျုပ် မှာသစ္စာရှိရှိ၊ ပေးဆပ်မှု အပြည့်နဲ့ ကြိုးစားလိုက်ရတာ။ စိတ်မကောင်းစရာ တစ်ခုက ကျုပ် နောက်ကွယ်မှာ ကျုပ် မကောင်းကြောင်းတွေ တောင် ပြောတယ်ဆိုပဲ။ တစ်ခါတစ်ခါများ ကျုပ်ကို ပက်ပက်စက်စက် လျစ်လျူရှုထားလိုက်ကြတာ သူတို့ ကျုပ် ကို မလိုသေးသရွေ့ပေါ့။ 

ဘုရားစူးဗျာ ကျုပ် ဘာအမှားမှ မလုပ်ဖူးပါဘူး။ သူတို့ အလိုကျအတိုင်း သူတို့ အလုပ်တွေ စနစ်တကျဖြစ်အောင် ကူညီပေးတယ်၊ အလုပ်တွေ အချိန်မှီပြီးအောင် သတိပေးတယ်။ ကျုပ် က သစ္စာကြီးသလို ကတိလဲ တည်တယ်ဗျ။ ခက်တာက ကျုပ် ကိုဆို အမြဲပဲ ဖုတ်လေတဲ့ ငပိ ရှိလေတယ် လို့တောင် သဘောမထားကြတာ ရင်နာစရာပဲဗျာ။ ဒါေ ပမယ့် ကျုပ် အကောင်းမြင်ပြီး ဖြေတွေးပေးပါတယ်။ သူတို့ ရင်ထဲတစ်နေရာမှာ ကျုပ်က နေရာယူပြီးသားပဲ။ ဘယ်လိုပဲ ဖြစ်ဖြစ် သူတို့ရဲ့ ယုံကြည်မှု တစ်ခုကို ကျုပ်က ရပြီးသားဆိုတာ သိနေတယ်။ သူတို့ မသိတာတစ်ခုက ကျုပ် အမြဲသူတို့ အတွက် ၀န်ဆောင်မှု ပေးနေရတာကို အရမ်းပဲ ပီတိ ဖြစ်မိတယ် ဆိုတာကိုပေါ့။ 

ဒါပေမယ့်ဗျာ တစ်ခါတစ်ခါ တော့လဲ အပြောင်းအလဲ မြန်တဲ့ သူတို့ စိတ်ထားတွေကို တကယ်ပဲ သဘောမတွေ့ဘူးဗျာ။ သူတို့ အိပ်ယာ မ၀င်ခင်ဆို ကျုပ် ကို တသသ အရိပ်တကြည့်ကြည့်နဲ့ သူတို့ ဘ၀ရဲ့ တန်ဖိုး အရှိဆုံး အရာ တစ်ခုလို မှတ်ယူလို့။ ကဲ....သူတို့ မနက် အချိန်တန်လို့ အိပ်ယာထ ချိန်လဲရောက်ရော သူတို့ ဘက်က တုံ့ပြန်မှုကို အတော်လေး ကြောက်ရတယ်ဗျ။ သူတို့ရဲ့ မသိစိတ်က ကျိန်ဆဲ နေတာတွေကိုလဲ မကြားချင်ဘူးဗျာ။ ကျုပ် သိတာပေါ့ မနက် အစောကြီးထရတာ ဘယ်လောက်တောင် ခက်တယ်ဆိုတာ။ အထူးသဖြင့် အိပ်မက်လှလှလေးတွေ မက်ပြီး ဘယ်လိုမှ မထချင်အောင်ဖြစ်တဲ့ အချိန်ဆို ပိုဆိုးတယ်ဗျာ။ ဒါပေမယ့် ကျုပ် အလုပ်က သူတို့ကို နှိုးပေးရမယ်၊ တစ်နေ့တာ ကို အဆင်ပြေပြေလေး စနိုင်ဖို့ ကူညီပေးရမယ်။ ရှိသေးတယ်ဗျ..... သူတို့ မကျေနပ်ရင် ကျုပ်ကို ပစ်ချင်ပစ်ထုတ်သေးတာ၊ ဒါတောင်မှ ကျုပ် ကိုယ့် အလုပ်တွေ အတွက် အမြဲ ဂုဏ်ယူနေမိတယ်။ ဘာလို့လဲ ဟုတ်လား? ကျုပ်က အမှန်တွေ လုပ်နေတာပဲ။ 

အနှစ်ချုပ် ပြောရရင် ကျုပ် ကို တန်ဖိုးမထားဘဲ ဆက်ဆံတာ ခံလိုက်ရတိုင်း ကျုပ် ရင်ဘတ် အောင့်အောင့် သွားတယ်။ ဒါပေမယ့် သူတို့ အတွက်ဆို ကျုပ် အမြဲရှိနေတယ်ဆိုတာ သူတို့ကို သိစေချင်လိုက်တာ။ ကျုပ်က တကယ်တော့ သနားစရာ ကောင်းတဲ့ နှိုးစက်လေး ပါဗျာ။ ကျုပ် ရဲ့ ဘ၀ပေးကံကိုက သူတို့ကို ပြုစု စောင့်ရှောက်ဖို့ ဖြစ်လာတော့လဲ ဘယ်တတ်နိုင်မလဲဗျာ......

ခေးရော့စ်

Monday, October 27

ဖတ်မိတာလေးတွေ

အခုရက်ပိုင်း အလုပ်ရှုပ်နေတာနဲ့ ပို့စ် အသစ် မတင်ဖြစ်တော့ လာလာပြီး စာဖတ်တဲ့လူတွေကို အားနာမိပါတယ်။ မနေ့ညက စာအုပ်တစ်အုပ်ဖတ်လိုက်ရင်း စာအုပ်ထဲမှာပါတဲ့ တွေးစရာ၊ ပြုံးစရာလေးတွေကို ခဏလောက် ဖတ်ကြည့်လိုက်ရအောင်နော့။ ဒီလို................
  • "ဘ၀ကို မကျေနပ်တဲ့လူတွေ ကံကို ပုံချတယ်။ ကံကို မကျေနပ်တဲ့လူတွေ ဘ၀ကို ပုံချတယ်။"
  • "ကိုယ့်နေရာမှာ ကိုယ်နေချင်တဲ့ လူထက် သူများနေရာမှာ နေချင်တဲ့လူ အမြဲတမ်း ပိုများတယ်။"
  • "လုပ်မိတဲ့ အမှားတွေရဲ့ အရေအတွက်က အရည်အသွေး အဖြစ်ကို ပြောင်းလာရင် အဲ့ဒါ ဘ၀အတွေ့အကြုံပဲ။ "
  • "အချစ်ဟာ တယ်လီစကုပ်နဲ့ ကြည့်တယ်။ မနာလိုစိတ်က မိုက်ကရိုစကုပ်နဲ့ ကြည့်တယ်။"
  • "ကြင်နာမှု ဆိုတာ နားထိုင်းသူ ကြားရပြီး မျက်စိကန်းသူ မြင်နိုင်တဲ့ အရာ။"
  • "ကိုယ်မှားတဲ့အခါ မှားကြောင်း ၀န်ခံရင် အဲ့ဒီလူဟာ ပညာရှိ...အဲ....မှန်နေပေမယ့် မှားကြောင်းဝန်ခံနေရင်တော့ အဲ့ဒီလူဟာ မိန်းမရှိတဲ့ လူဖြစ်ရမယ်။ :)"
  • "အထက်လူကြီးကို သူနဲ့ ပတ်သက်ပြီး ခင်ဗျား စိတ်ထဲရှိတာ မှန်သမျှ ပြောရဲတယ်ဆိုရင် အလုပ်သစ်တစ်ခုကို ခင်ဗျားရှာတွေ့ထားလို့ပဲဖြစ်ရမယ်"( ခေးရော့စ်တော့ ရှာမတွေ့ပဲ ပြောနေတယ်။ အလုပ်ပြုတ်မယ့်ကိန်းမြင်ရင် အလုပ်သစ်လေးများ မစကြပါဦးနော့။ :) )
  • "သေတဲ့ အထိချစ်မယ်လို့ ကတိပေးထားရင် စောမသေသင့်ပါဘူး။"
  • "အားလုံးကို နားလည်သွားတဲ့လူ ဘာကိုမှ မယုံတော့ဘူး။"
  • "ချီးမွမ်းတာခံရတော့ နေမထိထိုင်မသာဖြစ်ရတယ်။ ချီးမွမ်းတာနဲ့ ညီအောင် နေရတာကိုး။"
  • "ရေးသလိုနေ၊ နေသလိုရေး။"
  • "ရှိရှိသမျှ အခွင့်အရေးတွေထဲမှာ မှားခွင့်ဟာ လက်လှမ်းအမှီဆုံးပဲ။"
  • "လူရှိတယ်။ ပြသနာရှိတယ်။ လူမရှိဘူးနော်။ ပြသနာ မရှိတော့ဘူး။"
  • "ငွေရှိရင် ဘာမဆို လုပ်လို့ရတယ်လို့ ယူဆတဲ့လူတွေ ငွေအတွက်ဆိုရင် ဘာမဆိုလုပ်ဖို့ ၀န်မလေးတဲ့သူ ဖြစ်နေတယ်။"
  • "ချစ်မိပြီဆိုရင် ဘာကိုမှ မစဉ်းစားတော့ဘူး။ စဉ်းစားလာပြီဆိုရင် မချစ်တော့ဘူး။"
ဘလော့ရေးမိပြီဆိုရင် ဘာကိုမှ မသိတော့ဘူး။ ဘလော့လဲအရေးရပ်ရော အလုပ်တွေက ဘေးမှာတန်းစီနေရော။ ကဲကဲ အလုပ်ဆက်လုပ်လိုက်ဦးမယ်။ အလုပ်မလုပ်ဘူးဆိုရင် နောက်ဆုံးရလာဒ်က အလုပ်မပြီးဘူးပေါ့နော်။ ဘလော့မရေးရ၊ မဖတ်ရဘူးဆို စိတ်ထဲမှာနေလို့မကောင်းဘူး။ အဟတ်။ ရောဂါကတော့ တော်တော်ရင့်နေပြီနော်။ ကုစရာဆေးလဲရှိတယ်။ နည်းလမ်းလဲရှိပါတယ်။ ကိုးနတ်ရှင်ကောင်းနေသရွေ့ပေါ့။ အဟေးဟေး ( ကိုရင်ညိမ်း ရယ်သံကို ခဏယူသုံးခြင်းဖြစ်သည်။ ) :P

ခေးရော့စ်

Friday, October 24

ပိုင်လိုက်တဲ့ အကြံ

ဟုတ်ကဲ့ အခုတစ်လော ခေးရော့စ် တစ်ယောက် အပြောင်းအလဲမျိုးစုံကြားမှာ အမျိုးမျိုးသော အကြောင်းတွေကြောင့် အလုပ်မထွက်ဖြစ်သေးပါဘူး။ တစ်ခါတစ်ခါလဲ ခေးရော့စ်တွေးမိတယ် ပျော့ညံ့တဲ့ သူတစ်ယောက်များ ဖြစ်နေသလားလို့။ သေချာတာတစ်ခုကတော့ အဖြေတစ်ခု ကိုယ့်ဟာကို ကောက်ချက်ဆွဲလိုက်တယ် " I am fighting a losing battle cos i care too much for others " ဒါက လတ်တစ်လော အခြေအနေပေါ်မှာ ခေးရော့စ် ကောက်ချက်ဆွဲချလိုက်တဲ့ ကိုယ်ပိုင်ခံစားချက်သက်သက်ပါ။ အလုပ်ကမထွက်ဖြစ်သေးဘူးပေါ့။ အင်တာနက်ဆက်ရနေဦးမယ်။ ဘလော့လဲရေးလို့ အဆင်ပြေနေမယ်။ အပျင်းထူ၊ စိတ်တွေရှုပ်ပြီး အလုပ်ရှုပ်တာလဲပါတယ် စာမရေးဖြစ်ဘူး။ အဲ့ဒါကို ကိုရန်အောင် ကြီးက ဘယ်လိုသိသွားလဲမသိဘူး။ ဟဲလို ခေးရော့စ်. ဘေးမော့လို့ ငေးနေသလား. ဆွေးနေသလား. ပို့စ်လည်း မရေးပါလား. နက်ဖြန်ထပ်လာမယ်. ဟာဒုက္ခပါပဲ။ နက်ဖြန်ထပ်လာလို့ ပိုစ့်အသစ် မတင်နိုင်ရင် ဆိုပြီး ကွန်ပျူတာ ကီးဘုတ်ကို နင်းပိတ်ကန် တွယ်တော့တာပဲ။ လက်နဲ့ပြောတာ။ ဆီပုံးကနေလာလည်တဲ့ လူတွေကလဲ သတိရတယ်တဲ့။ ကွန်မန့်လဲ ၀င်ပေးကြ။ စိတ်မကောင်းဘူးဆိုတော့။ နဂိုကမှ ပျော့ချင်နေတဲ့ စိတ် အခုတော့ လုံးဝကို ခွေကျသွားပြီ။ ကဲကဲ လေကြောမရှည်တော့ဘူး။ ဒီနေ့ ဖောဝေါ့ဒ် မေးကနေ ရလာတဲ့ စာလေးတစ်ပုဒ်ကို ပြန်တင်ပေးလိုက်မယ်။ ဖတ်ကြည့် မိုက်တယ်ဗျ...............

တစ်ခါက ကောင်လေး တစ်ယောက်က ကောင်မလေး တစ်ယောက်နဲ့ ချစ်ကျွမ်းဝင်မိပါတယ်။ ခက်တာက ကောင်မလေး အဖေက လူကြီးတို့သဘာဝ လုံးဝကို သဘောမတူဘူးပေါ့။ ဒါနဲ့ ကောင်လေးက ကောင်မလေးဆီကို စာတစ်စောင်ပို့လိုက်တယ်။ ကောင်မလေး အဖေကနေတစ်ဆင့်ပေါ့။ ဘယ်လိုစာမျိုး ပို့လိုက်တယ် ဆိုတာ သိချင်ပါသလား။ ဟုတ်ကဲ့ အောက်က စာလေးဖတ်ကြည့်လိုက်နော်။

"The great love that I have for you
is gone, and I find my dislike for you
grows every day. When I see you,
I do not even like your face,
the one thing that I want to do is to
look at other girls. I never wanted to
marry you. Our last, conversation
was very boring and has not
made me look forward to seeing you again.
You think only of yourself.
If we were married, I know that I would find
life very difficult, and I would have no
pleasure in living with you. I have a heart
to give, but it is not sth that
I want to give to you. No one is more
foolish and selfish than you, and you are not
able to care for me and help me.
I sincerely want you to understand that
I speak the truth. You will do me a favor
if you think this is the end. Do not try
to answer this. Your letters are full of
things that do not interest me. You have no
true love for me. Good-bye! Believe me,
I do not care for you. Please do not think that
I am still your boyfriend.
"

စာလဲဖတ်ပြီးရော အဖေက သမီးကို ပေးလိုက်တယ်။ ကောင်မလေးက တအားပျော်သွားလေရဲ့။ ဘာဖြစ်လို့ပါလိမ့်လို့ စဉ်းစားနေပြီဟုတ်။ အခုဒီစာကို ဖတ်ပြီးတဲ့ လူတွေထင်နေတာက ကောင်လေးက ကောင်မလေးအပေါ်ရက်စက်သွားပြီပေါ့။ အဲ့လို ထင်ရင် လွဲပါတယ်။ တက်တက်စင်အောင်လွဲပါတယ်။ ဘာလို့လဲသိလား။ ကောင်လေးက ဥာဏ်တအားကောင်းပ။ အခု အပေါ်ကစာကို သေချာပြန်ဖတ်ကြည့်နော်။ ဒီတစ်ကြိမ်ဖတ်တဲ့အခါကျရင် ပထမဆုံးတစ်ကြောင်းက စဖတ်။ ပြီးရင် တစ်ကြောင်းစီကျော်ဖတ်ကြည့်။ ကောင်မလေး ဘာလို့ပျော်သွားလဲ သိလာလိမ့်မယ်။ :P :P

ကဲကဲ အိမ်က သဘောမတူလို့ စာတွေပေးမယ်ဆိုရင် ကောင်လေးလို ဥာဏ်ကိုလွှာသုံးပြီး မိဘတွေကို မျက်လှည့်ပြလိုက်ရအောင်။ အောင်မလေးနော်။ အဖေများ ဒီစာကို မြင်ရင် သမီးမိုက် နင်တော့လား။ ဒီလိုဥာဏ်နီ၊ ဥာဏ်နက်၊ ဥာဏ်ဝါ၊ ဥာဏ်စိမ်းတွေ အကုန်ထွက်တယ်ဆိုပြီး ကြိမ်းမောင်းနေမှာ မြင်ယောင်သေး။ တိတ်တိတ်နေနော်။ ခေးရော့စ်က အချစ်ကဗျာတွေ။ အလွမ်းစာတွေ ခံစားပြီးသာ ရေးနေတာ။ ဖေဖေက သိသေးဝူး။ တိုင်ပြောနဲ့နော်။ ကျေးဇူးဆပ်မယ်။ အဟတ်

ခေးရော့စ်

Wednesday, October 15

အင်္ဂလိပ်စာ လေ့လာလိုသူများအတွက်

"ဘ၀ အောင်မြင်မှုအတွက် အင်္ဂလိပ်စာ သင်ယူကြပါစို့" ဆိုတဲ့ အဖွင့်စာသားလေး ဘလော့ဂါ ကိုရန်အောင် တည်ထောင်ထားပေးတဲ့ အင်္ဂလိပ် ဘလော့လေး တစ်ခုရှိပါတယ်။ အခုဆိုရင် အဲ့ဒီဘလော့လေးဟာ တစ်ခြားသော ဘလော့ဂါ အစ်ကို၊ အစ်မတွေရဲ့ ပံ့ပိုးကူညီမှုနဲ့ ရပ်တည်လာတာ တစ်နှစ်နီးပါးရှိခဲ့ပါပြီ။ ပါဝင်ရေးသားတဲ့သူ အများစုကတော့ ကိုယ်တတ်ထားသမျှ၊ ကိုယ်သိသမျှကို ဝေမျှထားကြပါတယ်။ ဘယ်သူမဆို အင်္ဂလိပ်စာကို အစကနေလေ့လာနေတာပဲဖြစ်ဖြစ်၊ နောက် ဝေါဟာရ အသစ်အဆန်းလေးတွေကို ခုံမင်လုိ့ပဲဖြစ်ဖြစ်၊ ဒါမှမဟုတ် ဘန်းစကားတွေကို စိတ်ဝင်စားလို့ပဲဖြစ်ဖြစ် အဲ့ဘလော့လေးမှာ သွားရောက်ဖတ်ရှုနိုင်ပါတယ်။ စကားပုံလေးတွေကို ဘေးမှာထည့်သွင်းထားပေးတယ်။ နေ့စဉ်ပေါ့။ စာအသစ်မဖတ်ဖြစ်တောင် စကားပုံလေးတစ်ခုခုကို ဖတ်မိတယ်ဆိုရင်ပဲ စာဖတ်သူအတွက် အနည်းအကျဉ်း အသုံတည့်မယ်လို့ ကျွန်မ ထင်ပါတယ်။ ပါဝင်ရေးသားသူအားလုံးရဲ့ ရည်ရွယ်ချက်ကတော့ ကိုယ်သိကိုယ်တတ်တာကို ထုတ်ပြမော်ကြွားခြင်း ဆိုတဲ့စိတ်နဲ့ မဟုတ်ဘဲ တတ်နိုင်သလောက် လက်လှမ်းမှီရာ ပြန်လည် ဝေမျှပေးနေခြင်းပါ။ အချိန်လဲရှိတယ်၊ ကိုယ်တတ်ထားသလောက်ကိုလဲ လူများကို ပြောပြချင်တယ်ဆိုရင် အီးမေးကနေတစ်ဆင့် ကိုရန်အောင်ဆီမှာ contributor ယူလို့ရပါတယ်။ အားလုံးရဲ့ အကျိုးတစ်ခုအတွက် ကျွန်မတို့ အားလုံး ဖြစ်နိုင်တဲ့ တစ်ဒေါင့်ကနေ ပါဝင်ကူညီရင်း အင်္ဂလိပ်စာ ဘလော့လေးကို အသက်သွင်းလိုက်ရအောင်။

စိတ်ဝင်စားသူအားလုံး ဒီ လင့်လေးကို နှိပ်ပြီး သွားရောက်ဖတ်ရှု၊ ဝေဖန် အကြံပြုနိုင်ပါတယ်။
ခေးရော့စ်

Thursday, October 9

ဘာရယ်မဟုတ်............

ရန်ဆောင်နေတဲ့ စစ်ပွဲတွေ၊ ဆင်းရဲငတ်မွတ်မှုတွေ၊ ကမ္ဘာကြီးပူနွေးလာမှု နဲ့ အမျိုးမျိုး သောရာဇ၀တ်မှုတွေ ပတ်လည်ဝိုင်းနေတဲ့ 21ရာစုရဲ့ အဖွင့်စာမျက်နှာက အစပြုလို့ ယခုချိန်ထိ ကမ္ဘာတစ်ဝှမ်း မငြိမ်မသက်ဖြစ်မှုတွေကို နေ့စဉ်နဲ့အမျှ ရင်ဆိုင်နေရပါတယ်။ တစ်ချို့သော လူများဖျားနာလို့….တစ်ချို့တွေ သေဆုံးလို့……..တစ်ချို့ကွာရှင်းပြတ်စဲကြလို့…..တစ်ချို့တစ်ချို့တွေ ရောဂါဆိုးရဲ့ နှိပ်စက်မှုနဲ့ မနက်ဖြန်သေမလား သဘက်ခါသေမလားဆိုတဲ့ အတွေးနဲ့ သိမ်ငယ်နေရတယ်။ ဆန္ဒတွေ ဆွဲခေါ်ရာနောက် တစ်ကောက်ကောက်လိုက်ပါလို့ တကယ်လို့များ ငါသာ ဒီထက်ဒီပိုချမ်းသာခဲ့ရင်…..တကယ်လို့များ……ငါသာ အတိုင်းထက်အလွန် ကျော်ကြားမှုတစ်ခုကိုပိုင်ဆိုင်ခဲ့ရင်….တကယ်လို့များ ငါသာ လက်ရှိပိုင်ဆိုင်နေတဲ့ အသက်အရွယ်ထက်ပိုငယ်သွားရင် (သို့) ပိုသာကြီးခွင့်ရခဲ့ရင်….တကယ်လို့များ ဘ၀အာမခံချက်ပိုပေးနိုင်တဲ့ အလုပ်ကောင်းတစ်ခုကို ဖက်တွယ်နိုင်ခဲ့ရင်…..တကယ်လို့များ ငါဟာ မတူညီတဲ့ နေရာတစ်ခုမှာ မတူညီတဲ့ ခံစားမှုအသစ်အဆန်းကို တွေ့ကြုံနိုင်ခဲ့ရင်…..ဒီလိုနဲ့ပဲ ဘေးနားမှာ မျက်နှာငယ်လေးနဲ့ ရပ်နေရှာတဲ့ ပျော်ရွှင်မှုတွေကို မြင်အောင်မကြည့်လိုက်နိုင်တော့ဘူး။ တကယ်လို့ အငြင်းပွားနေကြပြီ… တစ်ယောက်ရဲ့ ထင်မြင်ချက်၊ ပြောပြချက်ကို နောက်တစ်ယောက်က ဘယ်လိုမှ လက်မခံနိုင်အောင် ဖြစ်နေပြီ။ နှစ်ယောက်ကြားထဲမှာ ညှိနှိုင်းမရတဲ့ ပြသနာ တွေဖြစ်နေပြီဆိုရင် သွေးပူနေတုန်း ခဏမှာ ဆက်ပြီးတော့ ဖြေရှင်းဖို့ မကြိုးစားပါနဲ့။ ပြသနာ သေးသေးလေးကနေ အကြီးကြီးထိ နောက်ဆုံး တစ်ယောက်ကိုတစ်ယောက် ချစ်နေရက်နဲ့ မုန်းသွားသည်အထိတောင် ဖြစ်သွားနိုင်ပါတယ်။ ဒါကြောင့် သွေးပူနေတုန်း ဒေါသတွေ သိပ်ကြီးနေတုန်း မဆုံးဖြတ်လိုက်ပါနဲ့။ အမှားတွေ့နိုင်တယ်။ ကိုယ်တွေ့နော်ကိုယ်တွေ့.........။ တကယ်လို့များ တစ်ဘက်ကလူကသာ ကိုယ့်ကို ခွင့်မလွတ်နိုင်ဘူး။ ကိုယ်ကလဲတောင်းပန်ဖို့ စိတ်ကူးမရှိဘူးဆိုရင် ဆက်ဆံရေးတစ်ခုရဲ့ နေ၀င်ချိန်ကိုရောက်လာပြီလေ။ ဘာပဲဖြစ်ဖြစ် ပြသနာတွေခဏမေ့လိုက်ပြီး တစ်ညလောက်အိပ်ပျော်အောင် အိပ်ကြည့်လိုက်ပါတဲ့။ နောက်နေ့သစ်တစ်ခုမှာ နိုးထလာတဲ့အချိန်ကျတော့ ဒီနေ့ပြသနာက မနေ့ကထင်သလောက် ကိုယ့်အတွက် မခက်ခဲနေတော့ဘူး။ ဘာပဲဖြစ်ဖြစ် အဖြေတစ်ခုတော့ ကိုယ့်မှာရှိသွားပြီလေ။ ဘယ်ရှုထောင့်ကနေ ဘယ်လိုရင်ဆိုင်မယ်။ မှားနေရင် တောင်းပန်မယ်။ မကောင်းနေတဲ့ အကျင့်ဆိုးတစ်ခုကို ပြင်နိုင်အောင်၊ ပြင်ဖို့ကြိုးစားရင်း နောက်နေ့ရက်တွေအတွက် ဆက်လက် ခရီးထွက်ရဦးမှာပဲ။ ကိုယ်ချစ်တဲ့လူတစ်ချို့ကို စာရင်းပြုစုရင်း ဘ၀မှာ သူတို့ဟာ ငါချစ်တဲ့သူတွေပါလား။ ငါနဲ့လူချင်းဝေးနေရင်တောင်မှ ငါရဲ့အနားမှာရှိနေပေးတဲ့ အားပေးဖော်တွေပါလားဆိုတဲ့ အသိလေးရလာနိုင်တယ်။ ဒါက စာရင်းပြုစုမှရလာမယ်ဆိုလို့ စာရင်းထဲမှာချရေးရမယ်လို့ ကျွန်မတော့ တစ်သမတ်မထင်မိဘူး။ တကယ်တော့ နှလုံးသားထက်မှာ ကမ္ဗည်းထိုးထားပြီးသားလေ။ ကိုယ်ချစ်နေတဲ့ ကိုယ့်ပတ်ဝန်းကျင်ကလူတွေ၊ ကိုယ့်ကိုချစ်နေတဲ့လူတွေဆိုတာ နှလုံးသားက ခံစားပြီး ကျောက်ထက်အက္ခရာ တင်ထားပြီးသားပါ။ အခုဆို ကျွန်မဘ၀ရဲ့ အစိတ်အပိုင်းလေးတစ်ခုနဲ့ ဘလော့လေးက ကျွန်မသံယောဇဉ်ရှိနေတဲ့ လူတွေ၊ ကျွန်မကို ချစ်ခင်လို့ပဲဖြစ်ဖြစ်၊ ကျွန်မရေးတဲ့စာတွေကို အားပေးလို့ပဲဖြစ်ဖြစ်၊ ကျွန်မလေးစားတဲ့ စာရေးဆရာတွေကို အားကျလို့ပဲဖြစ်ဖြစ်..ကျွန်မအတွက်ကတော့ ကျွန်မချစ်တဲ့လူတွေနဲ့ အသွားအလာလုပ်ခွင့်ရတဲ့ နေရာလေးတစ်ခုပေါ့။ ကျွန်မရဲ့အတူရှိနေတဲ့ ပျော်ရွှင်မှုတစ်ခုဆိုလဲ မမှားပါဘူး။ အခုဆို ဘလော့ရေးလာတာ တစ်နှစ်ကျော်သွားပြီ။ ဒီအတောအတွင်းမှာ ကျွန်မ ဖြတ်သန်းခဲ့ရတဲ့ ဘလော့စာမျက်နှာတွေရဲ့ နေ့တိုင်းမှာ ပျော်ရွှင်မှုတွေရှိသလို၊ စိတ်ညစ် စိတ်ဆင်းရဲရတဲ့နေ့တွေလဲ အများကြီးပါ။ ဘာပဲဖြစ်ဖြစ် စာလေးတစ်ကြောင်း ကွန်မန့်လေး တစ်ခုနဲ့ တစ်ယောက်နဲ့ တစ်ယောက် မမြင်၊မတွေ့ဘူးသည့်တိုင် စာဖတ်ရင်း ရင်းနှီးလို့ အားပေးမှုတွေလဲ အများကြီးရခဲ့တယ်။ နွေးထွေးမှုတွေနဲ့ ဖေးမပေးခဲ့ကြတယ်။ ဒါတွေကလဲ ကျွန်မအတွက်တော့ တန်ဖိုးမဖြတ်နိုင်တဲ့ ပျော်ရွှင်မှုတွေပေါ့။ တစ်ခါတစ်ခါ ဘ၀အမောတွေ သိပ်ကိုများပြားလာတဲ့ အခါမှာ အကောင်းမြင်ကြည့်ပါဆိုတဲ့ စကားလုံးကို မုန်းတီးလာတယ်။ ဒါပေမယ့်လဲ အကောင်းမြင်နိုင်အောင်ကြိုးစားမိတဲ့ စိတ်ကမှသာ လူကို လွတ်လပ်ပေါ့ပါးစေတယ်။ ဖြစ်သမျှကို ခံစားနေရင် ကြာလာရင် ခံရပါများတဲ့ ရင်ဘတ်ကြီးလဲ မွန်းကျပ်လာတယ်။ အခြေအနေ၊ အချိန်အခါကို ကြည့်လို့ လောကကြီးနဲ့ လိုက်လျောညီထွေဖြစ်အောင် ကြိုးစားနေနေရတယ်။ အပြောလွယ်ပြီး လေ့ကျင့်ယူရခက်တဲ့ တစ်ချို့ချို့သော စကားလုံးတွေကို လေ့လာသင်ယူရင်း ပျော်သလိုနေ၊ ပျော်အောင်ကြိုးစားရင်း ခေးရော့စ် တစ်ယောက် လူ့ဘ၀ပင်လယ်ထဲမှာ ကူးခတ်နေဆဲ........................

ခေးရော့စ်

Sunday, September 14

သေခါနီး ဆယ်ရက်အလို chaos ၏ ကယောင်ကတမ်း ဖွင့်ဟချက်များ

အချိန်တွေရှိနေတုန်းက ငါ…
သေရမယ်ဆိုတာကို မေ့ချင်ယောင်ဆောင်နေခဲ့တယ်။
မနက်ဖြန်များစွာကို
လက်ချိုးရေတွက်လို့ ပေါ့ပါးနေတာပဲ။
……………………………………
………………………………………….
……………………………………………………
…………………………………………………………….

ရှာရှာ ကြံကြံလဲ တက်တတ်ပါတယ်။ မသေခင် ဆယ်ရက်အလိုတဲ့။ ကဲ….ယိမ်းနွဲ့ပါး က ကိုမိုးကြယ်ရေ။ စိတ်ထဲရှိတဲ့ အတိုင်း လက်ကသွားတဲ့ အတိုင်းရေးလိုက်ပြီနော်။ အင်း……။ တကယ်တမ်းပြောရရင် ကျွန်မက ငယ်ငယ်လေးကတည်းက “ချူချာမယ်” (ပန်းကန်ပြားမယ်တော့မဟုတ်ဘူးနော် အဟတ်) ဆိုတဲ့ ဘွဲ့နာမည်ကို မလိုချင်ပဲ ပိုင်ဆိုင်ထားရတာ။ ခုချိန်ထိပေါ့။ တစ်မျိုးပြီး တစ်မျိုး ရောဂါတွေ အလျှိုလျှိုနဲ့ ဘယ်ကနေမှန်းမသိဘဲ ၀င်ဝင်လာတတ်လွန်းလို့ လူများတကာရဲ့ “အဲ့လောက်တောင်ပဲ ပျော့ရလား? အားအားရှိဖျားနေတယ်နော်? ဒီလိုမျိုးသာဆို အသက်ကြီးရင် ဘယ်လိုလုပ်မလဲ? နင်တော့ မဟုတ်သေးဘူးထင်တယ်?” ဆိုတဲ့ မေးခွန်းပေါင်းများစွာ အောက်မှာ ငြိမ်သက်တိတ်ဆိတ်စွာနဲ့ ပြန်ဖြေစရာ စကားမရှိခဲ့ပါဘူး။ မောင်နှစ်မသားချင်း အရင်းအချာဆိုတာ တစ်ယောက်တစ်လေမှ မရှိတဲ့ ကျွန်မ၊ မိဘတွေရဲ့ ပုံအောပြီး ချစ်တဲ့ အချစ်တစ်ခုကို ကျေကျေနပ်နပ်ကြီး ပိုင်ဆိုင်လို့ စိတ်ပျက်စရာ နေ့ရက်တွေကို အားတင်းပြီး ကျော်လွှားနေရတယ်။ သေမင်းဆိုတာ မျက်နှာမလိုက်တတ်ဆုံးသော၊ ဘာနဲ့မှ လာဘ်ပေးလို့ မလွှတ်မြောက်နိုင်သော အမှန်တရားရဲ့ ခါးသီးတဲ့ ကိုယ်စားလှယ်ကြီးပေါ့။ တကယ်လို့များ သေမင်းက မဆိုင်းမတွ လက်မရွံ့ဘဲ တစ်ချောင်းတည်းသာ ပိုင်ဆိုင်ခွင့်ရတဲ့ အသက်ကို နှုတ်ယူမယ်ဆိုရင်လဲ ဘာတတ်နိုင်မှာလဲ။ ဆယ်ရက်ပဲကျန်တော့မယ့် အချိန်ကို ရောဂါဆိုးဆိုးရွားရွား တစ်စုံတစ်ရာနဲ့ နာကျင်တဲ့ ဝေဒနာကို အိပ်ရာထက်မှာ ခံစားပြီး မကုန်လွန်ချင်ဘူး။ ကိုယ့်အနီးနားက ကိုယ့်ကိုချစ်တဲ့ လူတွေ မျက်ရည်လည်ရွဲနဲ့ ကိုယ့်ရဲ့ နောက်ဆုံးအချိန် ဝေဒနာခံစားနေရတာကို မမြင်စေချင်ဘူး။ မမြင်ခိုင်းရက်ဘူး။ ကိုယ်ကိုယ်တိုင်လဲ သူတို့ကို ဘယ်လိုနည်းနဲ့မှ မခွဲနိုင်ဘူး။ မခွဲရက်ဘူးလေ။


အချိန်တွေကို ရပ်တန့်ပေးထားပါလား
ခဏလောက်ဖြစ်ဖြစ်ပါ။
ဟင့်အင်း……
လာမခေါ်နဲ့ဦး
အဆင်သင့်မဖြစ်သေးဘူး။
ဘယ်ချိန်မှ ဖြစ်မယ်ဆိုတာ မမေးနဲ့
ငါ…ဖြေစရာ စကားမရှိဘူး။

ဆယ်ရက်တဲ့ ……
နည်းလိုက်တာ။
နေ့စွဲတွေက တွန်းတိုက်လို့
နေ့သစ်ကို ကူးပြောင်းဖို့ အားယူနေတယ်။
နာရီတွေကလဲ
တစ်ချက်ချက်နဲ့
အချိန်မှန်လည်ပတ်ရင်း
အောင်နိုင်သူတစ်ဦးရဲ့
အပြုံးမျက်နှာနဲ့
ငါ့ကို လှောင်ရယ်နေကြတယ်။

ဒီလိုနဲ့ ဘာလုပ်ရင်ကောင်းမလဲ။
ဘာဆက်လုပ်ရမလဲ ?
တွေးရင်း….ရက်တွေကုန်လွန်ကုန်ပြီ။
အချိန်သိပ်မရှိတော့ဘူး။
ပထမဆုံး သတိရမိတာက ဘုရားသခင်ကိုပေါ့။
ဟုတ်တယ်……
ငါ…ဘုရားရှိခိုးရင်းနဲ့ တရားရိပ်မှာ အေးချမ်းမှုကိုရှာရမယ်။
သံယောဇဉ် အပူမီးတွေနဲ့ လောင်မြှိုက်နေလို့ အသိဥာဏ်တွေ ချိနဲ့ကုန်တာ။
သေစမ်း…. ဟင့်အင်း….
ဘာလို့ ဒီအချိန်မှာမှ ဒီဝေါဟာရကြီးက ငါ့အတွက် ခါးသီးနေတာလဲ။
မပြောနဲ့ အဲ့ဒီ သေစကားတွေ။
ဟား…….နောက်ဆုံးချိန်ထိ ငါ တရားမရသေးဘူးပဲ။


မကြည့်နဲ့
အဲ့လိုမျက်လုံးတွေနဲ့
သနားစရာမလိုဘူးလေ။
ဒီလမ်းဟာ အားလုံးအတွက်
ဖောက်ထားတာ။
တစ်နေ့ကျရင်
ပုံစံမျိုးစုံနဲ့ မတူညီနဲ့နေရာစုံက
အတူတူ လျှောက်ရမှာပဲ။

မျက်ခွံတွေလေးလာပြီ။
အင်း………..
ငါ မလိုချင်တဲ့ အချိန်တစ်ခု
အရှေ့မှာ ငုတ်တုတ်ရောက်နေပြီ။
သွားရတော့မယ်။
မျက်စိဖွင့်မရတော့ဘူး။
မငိုနဲ့လေ။
မငိုနဲ့……
ငါနောက်ဆံမတင်းချင်ဘူး။
အသံတွေ မကြားရတော့ပါလား…..
အိုး………….
ငါကိုယ်တိုင်ရဲ့
ငါ့ရုပ်ကလာပ် ရှေ့မှာ လှဲလျောင်းနေပါလား…
ဒါဆို…ငါ………

မသေခင်ဆယ်ရက်ကို ကဗျာနဲ့ရေးလိုက်တာ။ အဟတ်။ တကယ်ပဲ သေသွားသလိုခံစားရတယ်။ ဆယ်ရက်မှာ လူများတွေလို ဘာလုပ်မယ်။ ဘယ်သွားမယ်။ ဘာစားမယ်နဲ့ ကျွန်မ အချိန်တွေမကုန်ပဲနဲ့ အတွေးတွေ ရုန်းရင်းဆန်ခတ်ဖြစ်ရင်းပဲ သေသွားမယ်ထင်တယ်။ အင်း….ဒီခေါင်းစဉ်လေး ရေးရတာ အကျိုး အများကြီးရှိပါတယ်။ ဆယ်ရက် မပြောနဲ့ နက်ဖြန်ဘာဖြစ်မယ် ဆိုတာတောင် ကြိုသိခွင့်မှမရှိတာပဲ။ ဒီနေ့ လတ်တစ်လော တန်ဖိုးရှိတဲ့အချိန် တွေကို အကျိုးရှိရှိ အသုံးချမယ်လေ။ မဖိတ်ခေါ်ဘဲ ရောက်လာတဲ့ ၀မ်းနည်းမှုတွေကို အတတ်နိုင်ဆုံး အာခံရင်းနဲ့ လုပ်ချင်တာတွေ၊ လုပ်မယ့် အရာတွေကို သေမင်းဆိုတဲ့ ကိုရုပ်ဆိုး မလာခင် စုတ်တံတစ်ချောင်းနဲ့ လှပတဲ့ ပန်းချီကားတစ်ချပ် ခြယ်မှုန်းထားမယ်။

ခေးရော့စ်

Tuesday, September 9

ခေးရော့စ်ဆိုတာ #$%*@#$

ကိုယ့်ရဲ့နာမည် ---------- chaos

ကိုယ့်ကို သူငယ်ချင်းတွေကဒီလိုခေါ်တယ် ---------- ခေးရော့စ်၊ ကြေးအိုး၊ ကြေးအိုးလေး၊ ခေးခေး၊ ညီမလေး၊ အစ်မခေး၊ ချော၊ မချော

ကိုယ်ဒီမှာနေတယ် ---------- မိဘအိမ်မှာ (အခုလက်ရှိကို ပြောတာ အဟဲ)

ကိုယ့်ဆီဖုန်းဆက်ချင်ရင် ---------- အင်းးးးအမြဲပြောနေလို့ အားမှာမဟုတ်ဘူး။ မပေးတော့ဘူးနော်။

ကိုယ့်ရဲ့အကြိုက်ဆုံးတွေက-

အရောင်ဆိုရင် ---------- အဖြူ၊ အနီ၊ အနက်

အ၀တ်အစားဆိုရင် ---------- လိုက်မယ်ထင်တာ အကုန်ကြိုက်တယ်။ ဖိနပ်ကတော့ All Star ခရေဇီ

အစားအစာဆိုရင် ---------- ကြက်ကောင်လုံးကြော်၊ ခေါက်ဆွဲပြုတ်၊ ထမင်းပေါင်း ဆက်ပြောရင် မကုန်တော့ဘူး။

ပစ္စည်းဆိုရင် ---------- ဖတ်လို့ကောင်းတဲ့ စာအုပ်။

သီချင်းဆိုရင် ---------- ဆူဆူညံညံတွေ နားထောင်တော့ လူများတွေက နားငြီးတယ်တဲ့။

စာရေးဆရာ ---------- တော်တော်များများကိုကြိုက်တယ်။

စာအုပ် ----------- တော်တော်များများဖတ်ဖြစ်တယ်။

Life style ---------- ရိုးရိုးရှင်းရှင်းနဲ့ ကိုယ်ချစ်တဲ့လူက ကိုယ့်အနားမှာ အမြဲရှိနေရင် ပြည့်စုံပါပြီ။ ဘ၀ဆိုတာ တိုတိုလေးပါ။ အဲ့ဒီခဏတာမှာ တန်ဖိုးရှိတဲ့အချိန်တွေကို ကိုယ့်ကိုတန်ဖိုးထားတဲ့လူနဲ့ ကုန်ဆုံးခွင့်ရချင်တယ်။

ကိုယ့်ရဲ့ဝါသနာ ---------- သီချင်းနားထောင်တယ်။ စာအုပ်ဖတ်တယ်။ ဘလော့ရေးတယ်။ ကဗျာရေးတယ်။ ကဗျာတွေ ဘလော့တွေ လိုက်ဖတ်တယ်။ ဂီတာတီးတယ် ( ဘေးကလူများ နားပိတ်ထားရသည်။ အသံသေး အသံကြောင်နဲ့ နှောင့်ယှက်သောကြောင့်)

အလိုချင်ဆုံးလက်ဆောင် ---------- သူပေါ့။ ပေးမယ်ပြောပြီး အခုထိမပေးသေးဘူး။ Pooh ရုပ်လေးလိုချင်လို့ပါဆို။ အကြီးကြီးလေး ဘာလေးနဲ့ ဟွန့်။

ကိုယ့်ရဲ့ အချစ်ဆုံးသူက ---------- မိဘနှစ်ပါး၊ ကျွန်မ၏ အဒေါ်နဲ့ ကျွန်မရဲ့ “ သူ ”

ကိုယ့်ရဲ့ အလေးစားဆုံးသူက ---------- My Parents, My teacher နဲ့ ကျွန်မကို မမွေးခဲ့သော အားလုံးက လေးလေးစားစားခေါ်သော ကျွန်မတို့ရဲ့ အမေ၊ ပြီးတော့ My quarter half :P

ကိုယ့်ရဲ့ အခင်ဆုံးသူငယ်ချင်းက ---------- အစ်မ၊ ညီမလေးနဲ့ ကျွန်မကို နားလည်ပေးသော သူငယ်ချင်းများ

ကိုယ့်ကို အများဆုံးနားလည်မှုပေးနိုင်သူက ---------- ကျွန်မရဲ့ “သူ”

ကိုယ့်ရဲ့ အမုန်းဆုံးသူက ---------- လူများအတင်းပြောခြင်းဖြင့် အချိန်ကို ကုန်ဆုံးနေသော လူများ။ ဝေဖန် အပြစ်တင်ရတာကို အားရကျေနပ်သူများ။

ရင်အခုန်ဆုံးအချိန်---------- အတူတူလျှောက်လည်ပြီး အဖေတွေ့မှာစိုးလို့။ အဲ့ချိန်က ရင်အခုန်ဆုံးပဲ။ တွေ့များတွေ့ရင် ဆိုပြီးတော့လေ။ အမယ်လေးနော် ပြောရင်းတောင် ရင်ခုန်လာပြန်ပီ။ :P

အကြောက်ဆုံးအချိန် ---------- သရဲနှင့်တွေ့မည့် အချိန်။ ( ရှိတာ မရှိတာ အပထား။ ကြောက်တာကတော့ အသားကုန်ပဲ)

အပျော်ဆုံးအချိန် ---------- နှစ်ယောက်အတူရှိချိန်။

အမှတ်တရနေ့ ---------- January 13, February 16 and 27

ဆုတောင်းတိုင်းသာပြည့်မယ်ဆိုရင်တောင်းမဲ့ဆု ---------- သူ အမြဲကျန်းမာပျော်ရွှင်ပါစေလို့……

အချစ်ဆိုတာ ---------- နှလုံးသားကနေ စည်းချက်ညီညီနဲ့ လှပတဲ့ သံစဉ်လေးတွေ မွေးထုတ်ပေးတဲ့ ကဗျာ။ ကိုယ်ကိုယ်တိုင်တောင် မသိလိုက်ရတဲ့ အချိန်တစ်ခုမှာ အဲ့အချစ်ဆိုတဲ့ကောင်က နှလုံးသားထဲမှာ အခန့်သား နေရာယူပြီးနေပြီလေ။

အမုန်းဆိုတာ----------အချိန်တော်တော်များများကို ခိုးယူစားသုံးပြီး အတိဒုက္ခရောက်အောင် နှိပ်စက်တဲ့အရာ။

အလွမ်းဆိုတာ----------မရှိရင် ပိုကောင်းမယ်။ လွမ်းရတာ မောလို့ဆိုသလိုပဲ။ အင်း….ဒါပေမယ့် အလွမ်းဆိုတာ အချစ်ရဲ့ တမန်တော်များလား။

သံယောဇဉ်ဆိုတာ---------- နွံတစ်ခုလိုပဲ။ ရုန်းလေ နစ်လေ။

ဘ၀ဆိုတာ ---------- Life is life but always full of ups and downs. ဘ၀အကြောင်းကို ဒီလို ကဗျာလေးရေးဖူးတယ်။

သူငယ်ချင်းဆိုတာ ---------- ပွင့်ပွင့်လင်းလင်းနဲ့ ကိုယ့်အပေါ်မှာ အမြဲပြောဆိုဆုံးမတယ်။ နားလည်တယ်။

ချစ်သူဆိုတာ ---------- အရိပ်တစ်ကြည့်ကြည့်နဲ့ လိုအပ်ချက်မှန်သမျှကို အမြဲဖြည့်ဆည်းပေးတဲ့သူ၊ နားလည်မှု၊ မေတ္တာ နဲ့ သစ္စာတရားကို စွဲမြဲထားပြီး မြတ်မြတ်နိုးနိုးချစ်နေတဲ့သူ၊ ချစ်မိတဲ့သူ။

ကိုယ့်ကိုကိုယ်ဒီလိုထင်တယ် ----------တဇွတ်ထိုး၊ ခေါင်းမာတယ်။ ဒေါသကြီးတယ်။ တစ်ခါတစ်ခါတော့ သွေးအေးပြီး ကလဲ့စားချေဖို့ အားထက်သန်တတ်တယ်။ တစ်ခုမှ မကောင်းဘူးနော်။ ခင်တော့ခင်တတ်တယ်။ ခင်ပြီဆို ရေပက်မ၀င်နဲ့ လေပေါတတ်တယ်။

ကိုယ့်ရဲ့လက်ဆွဲဆောင်ပုဒ်က ---------- Do unto others as you would have others do unto you

အပြောချင်ဆုံးစကားတစ်ခွန်း ---------- Whether you do right or wrong there may be at least one person to put the blame on you. It’s good to do your best regardless of people’s criticism.


ကဲကဲ အောင်မျိုးဟန်က တက်တယ်ဟ ဆိုလို့ ပြီးတော့ ကျွန်မ ဖိုးဖိုးတစ်ဝမ်းကွဲ ဂျူလိုင်ဖိုးဖိုးကလဲ ချက်တင်ကနေတက်တယ်ဟာတဲ့။ သူများကတက်လို့ လိုက်တက်ပြီးပြီ။ မနည်းတိုးတက်လိုက်ရတယ်။ ပြုတ်ကျကျန်ခဲ့မှာစိုးလို့။ ကိုရန်အောင်ကြီး၊ ကိုအတာနဲ့ ယိမ်းနွဲ့ပါးမှ ညီအစ်ကိုများကို ဆက်တက်ချင်တယ်။ ရေးပေးမယ်မလား။ သိတယ်နော်။ ရုပ်ချောသဘောကောင်းကြီးတွေ။

ခေးရော့စ်

Thursday, February 28

ခဏတော့ဝေးရဦးမယ်

အခုရက်ပိုင်းရုံးက နေရာပြောင်းမှာနဲ့ အင်တာနက်လဲအဆင်ပြေမှာမဟုတ်တော့ဘူး။ အဲ့ဒါ ကျွန်မချစ်တဲ့ ဘလော့လေး ပြီးတော့ ကျွန်မတယ်ရင်းတွေနဲ့ ခဏတော့ဝေးရဦးမယ်။ အဆင်ပြေတဲ့နေ့ပြန်တွေ့ကြမယ်လေ။

ခေးရော့စ်

Tuesday, February 26

ကဗျာချစ်သူ အသက်တစ်ရက်ကြီးသောနေ့


လူ့လောကကိုစရောက်ကတည်းက အဖေနဲ့အမေကို ဒုက္ခပေးခဲ့တဲ့ သမီးမိုက် အသက်တစ်ရက်ကြီးပြန်ပြီ။ အခုချိန်ထိလဲ ဘာရယ်မှ မည်မည်ရရ ကျေးဇူးမတုံ့ပြန်နိုင်ခဲ့ဘူး။ ကဗျာလေးတစ်ပုဒ်နဲ့ သမီးဆိုးလေးကို အနွံတာခံပေးတဲ့ အဖေနဲ့အမေ သို့........................

မသိတတ်စအရွယ် လွန်မြောက်လိ်ု့
မျက်စိ တစ်မှိတ် လျှပ်တစ်ပြက်အတွင်း
သမီး လူလားမြောက်ခဲ့ပါပြီ။
စက္ကန့်မလပ် ဂရုဏာမပြတ်ဘဲ
မေတ္တာနံ့ထုံသင်းတဲ့ မိဘရင်ခွင်မှာ
သမီးဘ၀လုံခြုံခဲ့တာ ယနေ့ထိပါ။

သမီးမျက်နှာ တစ်ချက်မညှိုးသာဘဲ
လိုအင်ဆန္ဒ အ၀၀ကို
တတ်စွမ်းသမျှ ဖြည့်ဆည်းလို့
ချစ်သမီးလေး စိတ်လန်းဖို့တဲ့…
အရိပ်တကြည့်ကြည့် ချစ်တဲ့
သမီးလေး ငိုချင်းက သည်းခြေရင်းကို
ဓားလက်နက်နဲ့ ဖြည်းဖြည်းဆွသလို
ဝေဒနာ လှိုင်းတံပိုး ရင်မှာတိုးလို့ဆိုတဲ့
ချစ်ဖေဖေနဲ့မေမေ။

ချစ်သမီး ပြုံးရင်
နှလုံးဘ၀င် လန်းရွှင်လို့
နွဲ့ဆိုးဆိုးလဲ အပြုံးမပျက်ဘဲ
အနွံတာခံမြဲ ကျေနပ်ဆဲ
ဲ စိုးရိမ်မကင်း ချစ်စိတ်ပြင်းတဲ့
မိဘစိတ်ရင်းမှန်ကို သမီးမိုက်ခံစားရင်း
ပြုမှားမိတဲ့ ပြစ်မျိုးများကို ခွင့်လွှတ်ပါလို့…………..

တုမနှိုင်းသာတဲ့ မိဘမေတ္တာ
ကျေးဇူးအနတ္တ ကြီးမားစွာ
ပြန်ဆပ်ဖို့ရာ ကြိုးပမ်းကာ
မြူတစ်မှုန်ကျေဖို့ ကြာညောင်းလို့
အချိန်မကုန်စေနဲ့စို့………

ခေးရော့စ်

ကဗျာလေးက ကျွန်မ တစ်ခါတင်ဖူးတဲ့ကဗျာလေးပါ။ (27.02.2008)နေ့မှာကျရောက်မယ့် ကျွန်မမွေးနေ့မှာ ဒီကဗျာလေးနဲ့ ကျွန်မကိုသိပ်ချစ်တဲ့ ဖေဖေနဲ့ မေမေကို ဂါရ၀ါပြုချင်တဲ့ ဆန္ဒနဲ့ အမှတ်တရ ထပ်တင်လိုက်တာပါ။ ကဗျာလေးဖတ်ပြီးပြီဆိုတော့ မွေးနေ့ကိတ်တွေ သုံးဆောင်သွားကြပါဦး။ ဘာရယ်မဟုတ်ပါဘူး။ မွေးနေ့လို့အမည်တပ်ကြတဲ့ အသက်တစ်ရက် ထပ်ကြီးတဲ့ နေ့တစ်နေ့အတွက် အမှတ်တရပေါ့......








Monday, February 11

လက်ဆောင်တွေရမယ် လက်ဆောင်တွေ :P

အလုပ်စ၀င်ကတည်းက ခရီးမထွက်ဖြစ်တာ အတော်ကြာပီလေ။ ဒီတစ်ခေါက် ရုံးကလူတွေနဲ့ ခရီးထွက်ဖြစ်တယ် အသွားတုန်းက တစ်လမ်းလုံး မသောက်ပဲမူးတာ လိမ့်ပိန့်နေတာပဲ....လူရုပ်တောင်မပေါ်ချင်တော့ဘူး သိတယ်မလား နဂိုကမှ ဘာရုပ်မှန်းမသိရတဲ့အထဲ ပိုဆိုးပေါ့။ အဟဲ လေရှည်နေတာ ချောတီး ချောတီး... အဲ့လိုနဲ့ပဲ ပုဂံမြို့ကို အလည်တစ်ခေါက်ထပ်ရောက်သွားခဲ့ပါတယ်။ တစ်ရက်၊နှစ်ရက်ပဲ လည်လိုက်ရတယ် ပြန်လာရပြန်ရော အခုတော့အလုပ်ခွင်မှာပေါ့... မုန့်တွေ၊ ပစ္စည်းတွေ ဓါတ်ပုံရိုက်မို့ဟာလေ ဟဲ...မရိုက်လိုက်ရဘူးဖြစ်သွားလို့ လက်ဆောင်တွေကို ဒီလိုစီစဉ်ထားပေးတယ်နော့........ချိတ်ချိုးနဲ့နော် ကြိုက်တာအကုန်ယူသွားဗျာ.

1. ဇီးယို အထုပ်ပေါင်းများစွာ (မလောက်မှာစိုးလို့)
2. မကျည်းတော်ဖီ (သုံးပိသာ)
3. ပုန်းရည်ကြီး ( တော်တော်များများ)
4. အသုတ်စုံ (စားပွဲတစ်ပွဲစာ) ကောင်းလွန်းလို့လေ ထုပ်ပြန်လာတာ အ၀စားနော် :D
5. ယွန်းဘူး အများရီး (မိန်းကလေးများအတွက်သာ)
6. ပိုးပုဆိုး ( ကြိုက်တာ ရွေး)
7. ပုဂံအမှတ်တရ တီရှပ်များ ( ဆိုဒ်စုံပါတယ်နော်)


အဟဲ ချိတ်ချိုးဝူးမလား ယူသွားနော် ကြိုက်တာ အကုန် နောက်တစ်ခေါက်သွားရင်တော့ ဓါတ်ပုံနဲ့တကွ တင်ပါ့မယ်ရှင်

chaos

Wednesday, February 6

ခေးရောစ့်၏လတ်တလောအခြေအနေ

ရုံးမှာ အလုပ်တွေနဲနဲရှုပ်နေတာရယ်၊ နက်ဖန်ကစလို့ လေးငါးရက်လောက်ခရီးထွက်ဖြစ်မှာနဲ့ ပေါင်းပြီး ဘလော့တွေကိုလဲ မလည်နိုင်၊ ပိုစ့်အသစ်တွေလဲ မတင်နိုင်ဖြစ်တော့မှာမို့ လာလည်တဲ့ တယ်ရင်းအားလုံးကို ကြိုပြီး မေတ္တာရပ်ခံပါတယ်။ ပြန်လာရင်မုန့်ဝယ်လာမယ်နော့။ :P

Saturday, January 26

ပျော်ရွှင်စရာမွေးနေ့ပါနော်


ဟက်ပီး ဟက်ပီး ဟက်ပီး ဟက်ပီး ဘတ်ဒေး
လင်းထွန်းရေ မေ့တွားဒါ ခွေးလွှတ်တယ်ဟုတ်
ဟီးးးးးးးးးးးးးးးးးး

Monday, January 21

သေခြင်းတရား

သေခြင်းတရား ဆိုတာ ကျွန်မတို့ ရှောင်ပုန်းမပြေးနိုင်တဲ့ အရာတွေထဲက တစ်ခုပါနေတယ်နော်။ “သေဆုံးခြင်း” ဆိုတဲ့ အရာက ကျွန်မတို့ အကြောက်ဆုံး အရာတွေထဲမှာ မေ့ထားပေမယ့်လည်း တစ်နေ့နေ့ကျရင် ရောက်ရှိလာမှာပါပဲလေ။ သေတစ်နေ့ မွေးတစ်နေ့ လူ့ဘ၀ကြီးမှာ တစ်ခါတစ်လေ အရာအားလုံးခဏမေ့ထားပြီး ဘ၀ရဲ့ တန်ဖိုးရှိတဲ့ အချိန်တွေကို ဖြတ်သန်းနေရတာလဲ အဓိပ္ပါယ်ရှိခြင်းတစ်မျိုးပါပဲ။ တိုးတက်နေတဲ့ ယနေ့ခေတ်ကြီးထဲမှာ လာဘ်ပေးလာဘ်ယူ ဆိုတဲ့ ဝေါဟာရကြီးက လူ့ဘောင်လောက အဖွဲ့အစည်းအတွင်းမှာ တွင်ကျယ်စွာ နေရာဝင်ယူလာပီ။ တကယ်လို့များ ကျွန်မတို့ အားလုံးဟာ သေမင်းကိုသာ လာဘ်ထိုးနိုင်မယ်ဆိုရင် ကျွန်မတို့ သိပ်ချစ်တဲ့လူတွေအတွက် ဘယ်လောက်ထိအောင်များ ကြိုးစားမိကြမလဲမသိဘူးနော်။ တစ်ခါတစ်လေ သေမှာကြောက်တာဟာ သေပြီးသွားရင် ဘာဖြစ်မလဲဆိုတာ ဘယ်သူကမှ မပြောပြထားဘူးလေ။ သေပြီးသားလူတွေနဲ့ အင်တာဗျူးတွေသာ ကြိုရှိနေရင်တော့ အနည်းအကျဉ်းသဘောလောက်တော့ ပြင်ဆင်ထားခွင့်ရှိမှာပေါ့။ လူတွေရဲ့ထူးဆန်းမှုကတော့ တစ်စုံတစ်ယောက် လောကကြီးကို ကျောခိုင်းထွက်ခွာသွားပြီဆိုရင် အဲ့ဒီ လူအတွက် ပူဆွေးသောကရောက်ပြီး ၀မ်းနည်းတုန်လှုပ်မိကြတယ်။ တစ်ကယ်တမ်းတော့ တစ်နေ့မှာ ကျွန်မတို့လဲ ဒီလမ်းကို လျှောက်လှမ်းရမှာပဲလေ။ သေဆုံးတယ်ဆိုတဲ့ စကားလေးတစ်ခွန်းကိုပဲဖြစ်ဖြစ် ပြောခွင့်မပေးချင်ကြဘူး။ ဒီအကြောင်းအရာတွေက ကျွန်မတို့ဆီကို ကံမကောင်းခြင်းတွေ သယ်ဆောင်လာနိုင်တယ်လို့ လူတွေ ထင်မြင်ယူဆထားကြတယ်။ တကယ်တမ်းတော့ ဘယ်လိုပဲမေ့ထားမေ့ထား လူတိုင်းရဲ့ စိတ်ထဲတစ်နေရာမှာ သူကတော့ တိတ်တဆိတ် ကိန်းအောင်းနေတယ်။ ကျွန်မတို့ အိပ်ပျော်သွားတဲ့ အချိန်မှာ စိတ်ညစ်စရာတွေ ခေတ္တခဏ မေ့နေကြတယ်။ တကယ်လို့များ ကျွန်မတို့ သေဆုံးသွားရင်ရော ပျော်ရွှင်မှု၊ ၀မ်းနည်းမှုဆိုတဲ့ အရာတွေပါ တစ်ပါတည်း သေဆုံးသွားမလား? ပြသနာကို ဖြေရှင်းချင်တဲ့ လူတစ်ချို့ကတော့ ကိုယ့်ကိုယ်ကို အဆုံးစီရင်မှုဆိုတဲ့ လမ်းစဉ်ကို ကျင့်သုံးပြီး လွတ်မြောက်မှုတစ်ခုကို ရှာဖွေကြတယ်။ တကယ်တမ်းတော့ သူတို့ သိပ်တစ်ကိုယ်ကောင်းဆန်တယ်။ ပြသနာကို ဖြေရှင်းနိုင်မယ့် သေဆုံးခြင်းမမည်တဲ့ နည်းလမ်းတွေ အများကြီးရှိပါတယ်။ ဘာလို့ ဒီလမ်းကိုမှ ခုံမင်စွာရွေးချယ်နေလဲ ဆိုတာ နားမလည်နိုင်အောင်ပါပဲ။ သေဆုံးခြင်းဆိုတာ ပြသနာပေါင်းများစွာရဲ့ အဓိက သော့ချက်မဟုတ်ဘူးလေ။ တကယ်လို့များ ဒီပြသနာတွေကို ကြံ့ကြံ့ခံ တွန်းလှန်နိုင်ခဲ့ရင် မျှော်လင့်ချက်ရောင်ခြည်တွေနဲ့ ပြည့်ဝနေတဲ့ လှပတဲ့ နေ့ရက်တွေကို မကြုံတွေ့နိုင်ဘူးလို့ ဘယ်သူ အတပ်ပြောနိုင်မလဲ? တကယ်တမ်း ကိုယ့်ကိုယ်ကိုသတ်သေတာ ကိုယ်တစ်ဦးတည်း သေဆုံးသွားရုံတင်မကဘူး ကျန်ရစ်ခဲ့မယ့် မိသားစုဝင်တွေကို ဘယ်လောက်တောင် စိတ်ထိခိုက်စေမယ်ဆိုတာ သူတို့ မသိသွားကြဘူးလား။ အော် သေခြင်းတရားအကြောင်းကို အကျယ်တ၀င့် စဉ်းစားမိတဲ့ အချိန်တိုင်း လက်ရှိအသက်ရှင်နေထိုင်နေတဲ့ ဘ၀လေးဟာ ပိုအသက်ဝင် တန်ဖိုးရှိလာသလိုခံစားရတယ်။ ဘ၀ကြီးက ပစ်ထုတ်လိုက်တဲ့ ဒုက္ခတွေကတော့ လူတိုင်းကိုယ်စီလက်ထဲမှာ ဆုပ်ကိုင်မိရက်သားပါပဲ။ ဖြစ်လာမယ့်၊ ကြုံတွေ့လာမယ့် အခက်အခဲ အမျိုးမျိုးအဖုံအဖုံကို ကျော်ဖြတ်နိုင်အောင်တော့ အနည်းဆုံး ကြိုးစားကြည့်သင့်တာပဲလေ။ လူတွေအားလုံးဟာ သေခြင်းတရားကို နက်နက်နဲနဲနားလည်ကြတယ်ဆိုရင် တစ်ယောက်နဲ့တစ်ယောက် အတိုက်အခိုက်ေ တွကိုရပ်ဆိုင်းပြီး ဘ၀ကို ပျော်ပျော်ဖြတ်သန်း နေကြမလားပဲနော်။ တစ်ယောက်ကိုတစ်ယောက် ခွင့်လွှတ်နားလည်ပေးပြီး ကမ္ဘာကြီးတစ်ခုလုံး ပျော်စရာအတိနဲ့ ငြိမ်းချမ်းတဲ့ နေရာလေးအဖြစ် တည်ရှိနေရင် သိပ်ကောင်းမှာပဲ။ ကျွန်မကိုကျွန်မ ပြီးတော့ ကျွန်မသိပ်ချစ်ရတဲ့လူတွေ အတွက် ကျွန်မရဲ့ ရင်တွင်းတစ်နေရာက ခုန်ထွက်လာတဲ့ စကားလေးတွေကတော့ ဒီနေ့လုပ်နိုင်တာကို မနက်ဖြန်အထိမရွေှ့နဲ့…….မဟုတ်ရင်တော့ သေခြင်းတရား ၀င်ရောက်ဖျက်ဆီးသွားရင် လှပတဲ့ အိပ်မက်လေးတွေ အကျဉ်းတန်ကုန်တော့မှာပဲ…………………

ခေးရော့စ်

Monday, December 31

၂၀၀၇ ရဲ့ နောက်ဆုံးတစ်နေ့

အချိန်ဆိုတာကြီးက မရပ်တန့်နေဘူး ရွေ့လျားနေတယ် လူတွေကလဲ အချိန်နဲ့အမျှ အချိန်ကို တွန်းကန်ရင်း၊ တိုက်ခိုက်ရင်း၊ ကျဆုံးရင်း၊ ပြန်ထရင်းနဲ့ စက္ကန့်တွေ၊ မိနစ်တွေ၊ နာရီတွေ၊ နေ့တွေကို ဖြတ်သန်းနေရတယ်။ အခုဆိုရင် နှစ်ဟောင်းလို့ လူတွေ ပြောကြတဲ့ ၂၀၀၇ဟာ ကျွန်မတို့ကို နှုတ်ဆက်လို့ အပြီးထွက်ခွာဖို့ ပြင်ဆင်နေပြီလေ။ တကယ်တမ်း ပြန်စဉ်းစားကြည့်လိုက်တော့လဲ ၂၀၀၇မှာ ဖြစ်ပျက်သမျှ အဖြစ်အပျက်တွေဟာ သွေးပျက်စရာကောင်းအောင် ခြောက်ခြားလိုက်ရတဲ့ နေ့ရက်တွေရှိသလို၊ ပျော်ရွှင်မှု၊ ၀မ်းနည်းမှု၊ ကြည်နူးမှုတွေနဲ့ နှောင်ဖွဲ့ထားတဲ့ နေ့ရက်တွေလဲရှိတယ်။ ဘ၀ဆိုတာ ဒီလိုပဲပေါ့နော်။ မြင့်လိုက်၊ နိမ့်လိုက်၊ တက်လိုက်၊ ကျလိုက်နဲ့ တစ်ခါတစ်ခါ ဘ၀နဲ့ရင်းပြီးရတဲ့ သင်ခန်းစာတွေက တစ်ဘ၀စာ အာဟာရတွေပေါ့။ နှစ်လေးတစ်နှစ် ကုန်ဆုံးသွားပေမဲ့ ၂၀၀၇ရဲ့ နေ့တွေက ဖျောက်ဖျက်မရတဲ့ သမိုင်းစာမျက်နှာတွေ အဖြစ် အတိတ်မှာကျန်ခဲ့ပြီ။ နှစ်ကုန်ရက်နောက်ဆုံးနေ့မှာ ပြောကြတဲ့ စကားလေးတစ်ခွန်း "နှစ်သစ်မှာ ပျော်ရွှင်နိုင်ပါစေ" တဲ့။ နှစ်သစ် နှစ်သစ်ဆိုတာ ဘ၀သစ်တစ်ခု မဟုတ်တာတော့သေချာတယ်။ နှစ်ဟောင်းက ကိစ္စတွေကို နှစ်သစ်ကို မသယ်သွားရမှာတော့ မဟုတ်ပါဘူး။ အဆိုး အကောင်းကို အကျိုးအကြောင်းလေးနဲ့ နာယူပြီး တစ်ခုခုဖြစ်သွားရင်တော့ ကောင်းမယ်နော်။ နှစ်ဟောင်းရဲ့ နောက်ဆုံးရက်လေးကို အစကတော့ ပေါ့ပေါ့လေးနဲ့ ပိုစ့်လေးရေးမယ် စိတ်ကူးထားတာ အခုတော့လဲ ကိုယ့်ခံစားချက်တွေနဲ့ ရောပြွန်းပြီး နောက်ဆုံးရက်လေး အကျည်းတန်သွားမှာလဲ စိုးရိမ်လာပြီ။ တကယ်တော့ နှစ်သစ်ကို ကြိုဆိုနေတဲ့ ပျော်ရွှင်သံတွေကြားမှာ နှစ်ဟောင်းလေးက အထီးကျန်ပြီး လွမ်းကျန်ရစ်ခဲ့မှာကို ကျွန်မတို့ ထည့်မတွက်မိဘူး။ ဒီဇင်ဘာနောက်ဆုံးနေ့ရေ မထားခဲ့ချင်လဲ ထားခဲ့ရတော့မယ်။ နှုတ်ဆက်ခဲ့တယ်နော်။ ဘယ်တော့မှ ပြန်မတွေ့ရမှန်းသိပေမယ့် သတိတရနဲ့ အမှတ်ရနေမှာပါ............

chaos

Sunday, December 16

ခေးရောစ့်၏ တစ်နေ့တာ

တကယ်တမ်းတော့ ခေးရောစ့်ရဲ့ တစ်နေ့တာက အများသူငါတွေလို ဖြတ်သန်းနေရတာပါပဲ။ နေ့တစ်နေ့ မွေးဖွားခြင်းမှ စလို့ ကျွန်မရဲ့ နေ့စဉ် လုပ်ငန်းဆောင်တာတွေက ဟိုး..........နေ့တစ်နေ့ သေဆုံးချိန် ရောက်တဲ့ထိ လုံးချာလိုက်နေတယ်။ နေ့လေးတစ်နေ့ မွေးဖွားတာကို အူဝဲ လို့တော့ မအော်ပါဘူး.......ကလင်........ကလင်........ဆိုပြီး ကိုနှိုးစက်က ခေးရော့စ် အိပ်ရာထဲက မခွာမချင်း အသံနဲ့ကို နှိပ်စက်တာ။ ဘာရမလဲ ခေးရော့စ်ပဲဟာ သိတယ်မလား။ သူ့ကို ပိတ်ပြီးဆက်အိပ်လိုက်တာပဲ။ ၇နာရီ ၁၅ လောက်မှ ကုန်းရုန်းထပြီး ကျူရှင်ပြေးရတယ်။ ကျူရှင်ရောက်ရင် လူများတွေက အမြဲမေးတယ်။ နင်ခေါင်းရော ဖြီးလာရဲ့လားတဲ့။ ဟဲ.....အေး ငါကျူရှင်နောက်ကျမှာစိုးလို့ ခေါင်းကို ရေပဲဆွတ်လာတယ်လို့။ ကျူရှင်က ဆင်းတော့ အိမ်ကို ဆိုင်ကယ်မတရား မောင်းပြန်ပြီး ရုံးအမီ တစ်ခုခုစားပြီး ပြေးရပြန်ရော။ ရုံးရောက်တော့လဲ မီးအခြေအနေကို ကြည့်ရသေးတယ်။ သူမလာဘူးဆိုရင် ကျွန်မ ငိုင်တိုင်တိုင်ဖြစ်ပြီ။ ဟုတ်တယ်လေ မီးကပြတ်နေတော့ ဘလော့လဲ လည်လို့မရ၊ ချက်တင်လဲထိုင်မရနဲ့။ ဘာလုပ်မရတဲ့ အဆုံး အဲ့မုန်းစရာ ကောင်းတဲ့မီးကိုပဲ ပျစ်ပျစ်နှစ်နှစ် ပြောပြီး အားတဲ့အချိန် စာဖတ်နေလိုက်တယ်။ ပြီးတစ်နေ့တာ ရုံးအလုပ်တွေ လုပ်စရာရှိတာလုပ်ရင်းနဲ့ နေ့ခင်းစာကို အမြဲတမ်း ၁နာရီ ပတ်ဝန်းကျင်မှာစားတယ်။ ပြီးတော့လဲ အလုပ်တွေ၊ ဘလော့တွေနဲ့ ဆက်ရှုပ်ရင်း နေ့တစ်နေ့က သေဆုံးဖို့ ညည်းတွားသံကြားတော့မှ အော့အော် ခေးရောစ့်တစ်ယောက် အိမ်ပြန်ရတော့မှာပဲလို့ သိလိုက်တယ်။ အိမ်ပြန်ရောက်တော့လဲ ကျူရှင်ပြေးရပြန်ရော။ ကွန်ပျူတာနဲ့ ပါတ်သက်တဲ့ သင်တန်းတစ်ခုမှာ ကျောင်းသူသွားလုပ်တယ်။ ပြန်ရောက်တာနဲ့ အိမ်မှာ ခေးရော့စ်ရဲ့ တပည့်ကျော်က ငုတ်တုတ်ထိုင်လို့ သူ့ဆရာမကို စောင့်နေတယ်။ သူ့လဲမြင်ရော လူက အမောဆို့ချင်လာပြီ။ တစ်နေကုန် လုပ်ထားတော့ မောနေပြီလေ။ မောမောနဲ့ပဲ သူ့ကိုစာသင်ပေးပြီး ၉နာရီလောက်မှ ကိုယ်ပိုင် အချိန်လေးရမလားကြံတယ်။ မျက်ခွံတွေက လေးပြီးဖွင့်မရတော့ဘူး။ မရဘူး ကျွန်မသူ့ကို အရှုံးမပေးဘူး......စာဖတ်ဦးမယ်ဆိုပြီး စာအုပ်ကောက်ကိုင် လိုက်တာ ကျွန်မ အနိုင်တော့ရလိုက်တယ် သူ့ကို ....ဒါပေမယ့် မျက်လုံးတွေ ပြူးပြီး တော်တော်နဲ့ အိပ်မရတော့ဘူး။ ဒါနဲ့ပဲ နောက်တစ်ရက်ကို ကူးတော့မယ်။ ငါ အားရှိဖို့လိုတယ် ဆိုပြီး အိပ်လိုက်ရတယ်။ ကျွန်မ တစ်နေ့တာလေး ကတော့ ဒီလောက်ပါပဲ။ ချစ်မ အမွှာရေ အိုကေတယ်ဟုတ်။

ဆက်လက်ပြီး
ပိစိကွေးညီမလေးနှင်းသဇင်ရယ်၊ မောင်လေးဖိုးသူတော်ရယ်၊ ကိုတေရယ်၊ မကပ်တဲ့ ကိုပီကေရယ်ကို ဆက်တက်မယ်။ သူတို့တစ်နေ့တာကိုလဲ ကျွန်မသိချင်တယ်။ သူတို့ကပြောပြမှာသိလား။ အရမ်းသဘောကောင်းကျတာလေ :P

chaos

Friday, December 14

ပေါ့ပေါ့ပါးပါး

ဒီနေ့ကတော့ ပေါ့ပေါ့ပါးပါး ပိုစ့်လေးနဲ့ တယ်ရင်းတွေကို ကမ္ဘာပေါ်မှာရှိတဲ့ နိုင်ငံတစ်ချို့နဲ့ သူတို့ရဲ့ စိတ်ကူးယဉ်ဆန်တဲ့ အဓိပ္ပာယ်လေးတွေပေါ့...... အသုံးတည့်ကြပါစေနော်။

H.O.L.L.A.N.D
Hope our love lasts and never dies.
ငါတို့ရဲ့ ချစ်ခြင်းမေတ္တာ အမြဲတည်တံ့ပြီး ဘယ်တော့မှ မသေဆုံးဖို့ မျှော်လင့်တယ်။

I.T.A.L.Y
I trust you and love you.
ငါနင့်ကို ယုံလဲယုံကြည်တယ် ချစ်လဲချစ်ပါတယ်။

L.I.B.Y.A
Love is beautiful, You also.
မေတ္တာတရားဟာ လှပသလိုပဲ...........နင်လဲ အတူတူပေါ့။

F.R.A.N.C.E
Friendship remains and never can end.
ခင်မင်မှုဟာ ကြွင်းကျန်ရစ်နေပြီး ဘယ်သောအခါမှ အဆုံးသတ်မသွားဘူး။

C.H.I.N.A
Come here! I need affection.
ဒီနားလာခဲ့ပါ။ ငါလိုအပ်နေတာက အကြင်တရားတွေပေါ့။

B.U.R.M.A
Between us, remember me always.
ငါတို့ နှစ်ယောက်ကြားမှာ ငါ့ကို အမြဲ သတိရပေးနေပါ။

N.E.P.A.L
Never ever part as lovers.
ချစ်သူ နှစ်ယောက်အဖြစ်ကနေ ဘယ်တော့မှ မခွဲခွာဘူး။

I.N.D.I.A
I nearly died in adoration.
လေးစားမြတ်နိုးမှုကြားမှာ ငါသေဆုံးတော့မလားဘဲ။

C.A.N.A.D.A
Cute and naughty action that developed into attraction.
ချစ်စရာကောင်းခြင်းနဲ့ ဆိုးသွမ်းတဲ့ အပြုအမူတွေဟာ ဆွဲဆောင်မှု ပိုဖြစ်စေတယ်။

K.O.R.E.A
Keep optimistic regardless of every adversity.
အတိဒုက္ခဆင်းရဲ တိုင်းကို လျစ်လျူရှုပြီး အကောင်းမြင်ဝါဒကို လက်ကိုင်ထားကြည့်ရအောင်။

P.E.R.U
Phorget everyone...................remember us.
ငါတို့နှစ်ယောက်ကလွဲရင် ကျန်တာတွေ အားလုံးမေ့ပစ်လိုက်။

T.H.A.I.L.A.N.D
Totally happy. Always in love and never dull.
ပြီးပြည့်စုံသော ပျော်ရွှင်မှု------------အချစ်နဲ့ အမြဲ မကင်းကွာဘူး-------အချစ်တွေ ဘယ်တော့မှ မှေးမှိန်မသွားဘူး။
chaos

Monday, December 10

ကျွန်မနဲ့ဘလော့

ကျွန်မ ဘလော့စရေးတာ friendster မှာပါ။ အဲ့တုန်းက ပိုစ့်လေးတင်ပြီး ပီတိတွေ ဖြာလို့ပေါ။ ဒါနဲ့ ကျွန်မ တယ်ရင်းကိုချမ်းက ကိုယ်ပိုင်ဘလော့တစ်ခု လုပ်လို့ရတယ်တဲ့။ မြန်မာလိုလဲ ရေးလို့အဆင်ပြေတယ် ပြောတော့ စိတ်ဝင်စားပြီး စက်တင်ဘာ လဆန်းလောက်မှာ ကဗျာချစ်သူ ကို မွေးဖွားဖို့ စိုင်းပြင်းတော့တယ်။ နစ်ခ်နိမ်းလေးကိုတော့ အင်တာနက်ကို စတင်တွေ့ထိခွင့် ရတဲ့အချိန်ကတည်းက သဘောကျတဲ့ chaos ဆိုတဲ့ နာမည်လေးကို သုံးဖြစ်သွားတယ်။ chaos ဆိုတဲ့ စာလုံးလေးကို အသံထွက်ရော၊ အဓိပ္ပါယ်ပါ နှစ်သက်လို့ သုံးဖြစ်သွားတယ်လေ။ မနိုင်းနိုင်း နဲ့ ကိုရန်အောင် ရဲ့ ပိုစ့်တွေ ဖတ်ပြီး ဘလော့ဂါဘ၀ကို ခံယူဖို့ ဆုံးဖြတ်လိုက်မိတယ်။ မိုးချစ်သူလေး နဲ့လဲ friendster မှာကဗျာတွေ ဖတ်ရင်း တအားခင်သွားတယ်။ ဟိုးနှလုံးသားရဲ့ ထောင့်တစ်နေရာမှာ ကိန်းအောင်းနေတဲ့ ကဗျာဝိဉာဉ် ကိုနိုးဆွပေးတဲ့ ကောင်မလေးကိုလဲ ကျေးဇူးတအားတင်ပါတယ်။ စက်တင်ဘာမှာ ပိုစ့်တင်လို့မှ သုံးလေးခု မရှိသေးဘူး။ ကိုနစ်တို့ ဆုံဆည်းရာတို့ ဖတ်ရတာ ဖတ်ဖတ်မောပြီး ကိုယ့်ဘလော့ကို ပစ်ထားမိတယ်။ ဒါပေမယ့် ကျွန်မရဲ့ ဘလော့က ကျွန်မ ကိုယ်ပွားလေးဆို မမှားပါဘူး။ ကျွန်မရဲ့ ခံစားချက်တွေ ပေါက်ကွဲထွက်တဲ့ နေရာလေးတစ်ခုပေါ့။ ကျွန်မ မသိလိုက်တဲ့ အချိန်တိုလေး အတွင်းမှာ သူ ကျွန်မကို တော်တော်စိုးမိုးသွားတယ်။ ဘယ်သူ့ကိုမှ မချစ်ဖူးတဲ့ အချစ်မျိုးနဲ့ ကျွန်မ သူ့ကို သိပ်ချစ်သွားတယ်။ ကျွန်မဘ၀မှာ သူမရှိတော့ရင် ဆိုတဲ့ အတွေးက သွေးပျက်မတတ် ခြောက်ချားစေခဲ့တယ်။ ကျွန်မ သူ့ကို တစ်ရက်မမြင်ရရင် နေမထိထိုင်မသာနဲ့ ဘာမှလုပ်လို့ မရဘူး။ သူရဲ့လွမ်းမိုးမှုက ကျွန်မကို အိပ်ပျက်ညတွေ ဖန်ဆင်းပေးတဲ့ အထိပါပဲ။ ဆီပုံးထဲက နှုတ်ဆက်သံတွေ၊ ကွန်မန့်တွေကို များမြင်ရရင် သွားကြီးဖြီးပြီး အအေးပတ်မတတ်ပေါ့။ ကျွန်မကသာ တစ်ဖက်သတ်ချစ်၊ စွဲလန်းနေရတာ သူကတော့ ကျွန်မကို ဖုတ်လေတဲ့ ငပိရှိတယ်လို့တောင်မထင်ဘူး၊ ကျွန်မ သိပါတယ်လေ၊ ဘလော့ဂါဘ၀ရဲ့ ပထမဆုံး ကဗျာလေးကို ဖတ်ပြီးတဲ့ တယ်ရင်းတွေရော မဖတ်ရသေးတဲ့ သူတွေရော ပြန်ခံစားပေးကြပါဦး။ လာရောက်လည်ပတ်တဲ့၊ ခံစားချက်တွေမျှဝေပေးတဲ့၊ ခင်ဖို့ကောင်းတဲ့၊ သံယောဇဉ်တွေ တစ်ပွေ့တစ်ပိုက်နဲ့ ကျွန်မ ဒီနေရာလေးကနေ အားလုံးကို ကျေးဇူးအထူးတင်ရှိပါတယ်။ ကိုပီကေ ရေ ဒီပိုစ့်လေးနဲ့ဆို အဆင်ပြေတယ်ဟုတ်။

Forever Friend

When the world is cruel,
You make me feel secure;

When my view is blur,
You help me go far till it clears;

When I meet ups and downs,
You help me cure my wounds;

When obstacles block my ways,
You encourage me not to run away;

Though, people may come and go,
You are always there to save my soul;

So, once in a lifetime,
Forever friend is indeed my precious kind..........

chaos

Thursday, December 6

ကျွန်မ၏ သူငယ်ချင်းတစ်ယောက်အကြောင်း

ပျော်ရွှင်မှုဆိုတာ လူတွေအားလုံးရဲ့ သည်းခြေကြိုက် ခံစားမှုလေးပေါ့။ တကယ်တမ်း လူတိုင်းအတွက် အချိန်တိုင်းမှာ လိုအပ်တဲ့ အားဆေး တစ်ခွက်ဆိုလဲ မမှားပါဘူး။ ၀မ်းနည်းကြေကွဲမှုကတော့ လုံးဝဆန့်ကျင်ဘက်ပေါ့။ ကျွန်မတို့ သူ့ကို အလိုမရှိလေ သူရောက်လာပြီး နှောင့်ယှက်လေပေါ့။ အခုကျွန်မ ပြောပြမယ့် သူငယ်ချင်းလေးကတော့ ၀မ်းနည်းဖွယ်ကောင်းအောင် ကံကြမ္မာက ဖန်တီးလိုက်တဲ့ အကြောင်းလေးပါ။ ငယ်ငယ်လေးထဲက ခင်တယ်၊ စကားပြောဖြစ်တယ်၊ မျက်မှန်းတန်းမိတဲ့ သူငယ်ချင်းလေးပေါ့။ ၉ တန်းနှစ်မှာ နှစ်ယောက်လုံး လပတ်စာမေးပွဲ တစ်ကြိမ်မဖြေပဲ ၁၀တန်းမှာ အခန်းတူတူနဲ့ စာပြိုင်ဘက် သူငယ်ချင်းတွေ ဖြစ်လာတယ်။ ၁၀တန်းဖြေပြီး နောက်ပိုင်း မတွေ့ဖြစ်ကြတော့ဘူး။ ဒါပေမယ့် သူ နိုင်ငံခြားထွက်ဖို့ လုပ်နေတယ်တော့ ကြားမိတယ်။ သူက တစ်ဦးတည်းသောသားလေ။ ငယ်ငယ်လေးထဲက ရုပ်ရှင်တွေကြည့်ပြီးတိုင်း သားကြီးလာရင် နိုင်ငံခြားသွားမယ် အမြဲပြောတတ်တယ်။ လူများတွေ ခက်ခက်ခဲခဲ ကြိုးစားပြီး နိုင်ငံခြားထွက်ဖို့ လုပ်နေချိန်မှာ သူကတော့ လျှောလျှောရှူရှူနဲ့ အမေရိကားကို ထွက်ခွင့်ရသွားတယ်။ မကြာဘူး သူအဲ့မှာ အလုပ်ရသွားပြီး ငွေကိုင်လုပ်ရတယ်လေ။ သူတစ်ယောက်ထဲ တိုက်ခန်းမှာနေတယ် ဒါပေမယ့် သူအလုပ်လုပ်တဲ့ နေရာနဲ့တော့ မဝေးပါဘူး။ တစ်ခါတစ်လေတော့ အိမ်ပြန်ရောက်ရင် မိုးသိပ်ချုပ်တဲ့ နေ့တွေလဲရှိတယ်လေ။ မကြာပါဘူး........သတင်းတစ်ခုကြားလိုက်တယ်။ သူဆုံးသွားပြီတဲ့။ ကျွန်မတို့အားလုံး ဘယ်လိုမှ မယုံနိုင်ကြဘူး၊ ယုံလဲမယုံဘူး၊ သတင်းမှားဖြစ်ရမယ်လို့ပဲ ကိုယ့်ကိုယ်ကို ဖြေတွေးတယ်။ တကယ်တမ်းတော့ ကျွန်မတို့ သူငယ်ချင်းလေးက လူများ သတ်တာခံလိ်ုက်ရတာပါ။ ရင်နာဖို့ကောင်းလိုက်တာ.....လူတွေ ငွေလိုချင်လို့ အသက်တစ်ချောင်းကို ရန်ရှာတာလေ။ သူက ငွေကိုင်ဆိုတော့ သူ့ဆီက သော့ရရင် ပိုက်ဆံတွေကို ယူမယ်ပေါ့။ ငွေအတွက်နဲ့ လူသတ်ဖို့ ၀န်မလေးတဲ့လောက၊ ငွေအတွက်နဲ့ သိက္ခာကျလဲ အဆင်ပြေနေတဲ့လောက၊ ငွေနဲ့ အရာရာကို တန်ဖိုးဖြတ်တဲ့လောက၊ ငွေရှိရင်ပြီးတယ်ထင်နေတဲ့ လူတွေ ကျက်စားတဲ့လောက၊ ဒီလောကတွေရဲ့အလယ်မှာ အညွန့်တစ်လူလူ တက်နေတဲ့ ကျွန်မသူငယ်ချင်း ဘ၀တစ်ခု စတေးလိုက်ရတယ်။ ကျွန်မ ဒီပိုစ့်လေး ရေးနေတဲ့ အချိန် သူကတော့ ဘာမှမသိနိုင်တဲ့ တမလွန်မှာ မှေးစက်နေပါပြီ။ စိတ်မကောင်းလိုက်တာ သူငယ်ချင်းရယ်။ မျက်ရည်ဝိုင်းလာတဲ့ အထိကို ကျွန်မ ခံစားရပါတယ်။

ဆုလေး တက်လာတဲ့ သူငယ်ချင်းအကြောင်းပါ။

chaos

Wednesday, November 21

Who am I?

ကျွန်မ ဘယ်သူလဲ? ကျွန်မ လူတစ်ယောက်လေ... လောဘ၊ ဒေါသ၊ မောဟ၊ ဒုက္ခ၊ သောက၊ မာန်မာန ဆိုတဲ့ အမှုတွေနဲ့ ရုန်းရင်းဆန်ခတ်ဖြစ်ရင်း ဘ၀ခုံရုံးမှာ တရားခံအဖြစ်နဲ့ ရောက်ရှိနေတယ်။ ကံကြမ္မာဆိုတဲ့ တရားသူကြီးကို လာဘ်ထိုးမှ ဒီအမှုက လွတ်မယ်ဆိုရင်လဲ နေပါစေတော့ရှင်။ အတ္တမင်အိုးနဲ့ ဖြူစင်မှုကို အရောင်ဆိုးပြီး မညစ်ညမ်းစေချင်ဘူး။ မိဘတွေရဲ့ ဆုတောင်းကောင်းမှုကြောင့် ကျွန်မ ဒီလူ့လောက အလယ်မှာ လူတစ်ယောက်အဖြစ် ရပ်တည်ခွင့်ရလာတယ်။ တစ်ဦးတည်းသော လူဆိုးမလေး အဖြစ် မိဘတွေ စိတ်ဆင်းရဲ့စေဖို့ ရှုပ်ထွေးပွေလီတဲ့ လောကကြီးထဲကို ၀င်ရောက်လာခဲ့တယ်။ ကျွန်မ ပုံပန်းကတော့ သာမန်ထက် မထူးခြားတဲ့ ရွက်ကြမ်းရေငှဲ့ ရုပ်ရည်လေး ပိုင်ဆိုင်ထားတဲ့ အညတရ မိန်းကလေး တစ်ဦးပါ။ မိဘတွေ အလိုလိုက်ရင်တော့ အတိုင်းထက် အလွန်ပျော်နေတတ်ပြီး ထိန်းချုပ်ကန့်သတ်မှု များလာရင် ချုပ်ချယ်လွန်းလိုက်တာလို့ မညှာမတာ ငြီးတွားတတ်တဲ့ မိဘမေတ္တာကို နားမလည်ချင်ယောင်ဆောင်တဲ့ ငပေမလေးပေါ့။ ခေါင်းမာတယ်၊ တဇွတ်ထိုးဆန်တယ်၊ အရွဲ့တိုက်ရတာ ၀ါသနာပါတယ်၊ စိတ်တိုလွယ်တယ် ဆိုတဲ့ဘွဲ့တွေ ပိုင်ဆိုင်ထားတယ်။ အမှတ်အတေးကြီးတယ်၊ ကျွန်မကို နာကျင်အောင် စိတ်ဒဏ်ရာ ပေးသွားတဲ့ လူတွေကို လွယ်လွယ် ခွင့်မလွှတ်တတ်ဘူး။ ဒါပေမယ့် တကယ်တမ်း ဂလဲ့စားချေဖို့ အခြေအနေတွေ ဖန်တီးလာတဲ့ အချိန်မှာ ကိုယ်ချင်းစာတရားက ကျွန်မရဲ့ အနိုင်ယူလိုမှုကို အမြဲတွန်းလှန်ပေးခဲ့တယ်။ တစ်ခုခုကို ရဖို့ တစ်ခုခုကို စွန့်လွှတ်ရမယ်လို့ လက်ခံထားတယ်။ ဒါပေမယ့် အဲ့ဒါဟာ ကိုယ်ကျင့်တရား နဲ့ ဂုဏ်သိက္ခာ မဖြစ်ရဘူး။ ပျော်ပျော်ရွှင်ရွှင်နဲ့ နေတတ်ပြီး ကိုယ့်ပတ်ဝန်းကျင်က လူတွေကို ဟာသလေးနဲ့ အမြဲနှစ်သိမိ့ပေးတတ်တယ်။ ဒါပေမယ့် ကျွန်မ ပေါ့ပြက်ပြက် မိန်းမတစ်ယောက် မဟုတ်ဘူး။ အခုချိန်ထိ သမိုင်းပေးတာဝန် အရ စာတွေ လေ့လာမှတ်သားနေတုန်းပဲ။ ဒါပေမဲ့ မင်္ဂလာဆောင် ဖိတ်စာမှာ အကြွားပိုဖို့ စာတွေ သင်ယူနေတာ မဟုတ်ဘူး။ လုပ်သင့်တာကို လုပ်ချင်စိတ်နဲ့ တကယ်လုပ်နေတာပါ။ ဖြစ်ချင်တာကို မဖြစ်ဖြစ်အောင် လုပ်တတ်တယ်။ မတရားတဲ့ နည်းလမ်းတော့ မသုံးဘူး။ အမှန်တရား မြတ်နိုးသူ လူငယ်တစ်ယောက်ပါ။ မှန်တာလုပ်တယ်ဆိုရင် အမှန်တရားကို အမှန်အတိုင်း ရှုမြင်ပြီး ထောက်ခံအားပေးတတ်တယ်။ ခေတ်ရေစီးကြောင်း တစ်ခုရဲ့ ပယောဂလို လူများယောင်လို့ လိုက်ယောင်တာ မဟုတ်ဘူး။ ကျွန်မ အလွန် အစအနောက်သန်တယ်။ အခုပိုစ့်ကို ရေးဖို့ တက်လိုက်တာကတော့ အယ်ဂျီလူး လို့ ကျွန်မခေါ်တဲ့ စကားအလွန် တတ်တဲ့ ကျွန်မရဲ့ ဖိုးဖိုး တစ်ဝမ်းကွဲပါ။ ဒီနာမည်ကိုစိတ်ဝင်စားသူတိုင်း လင့်လေးကို နှိပ်ပြီး ဘယ်သူလဲဆိုတာ သွားကြည့်နိုင်တယ်နော်။

chaos