ဤဘလော့တွင် ရေးသားထားသော စာတစ်ပုဒ်ကို ဖြစ်စေ၊ စာတစ်ပိုဒ်ကို ဖြစ်စေ၊ စာတစ်ကြောင်းကို ဖြစ်စေ စီးပွားရေးအရ မဟုတ်ဘဲ မည်သည့်နေရာတွင် မဆို ကူးယူဖော်ပြလိုပါက ပိုင်ရှင်၏ ခွင့်ပြုချက် ရယူရန် မလိုဘဲ မည်သူမဆို ကိုးကားညွှန်းဆို၍ ပြန်လည် ဖော်ပြပေးမယ်ဆိုရင် ကျေးဇူး အများကြီး တင်ပါတယ်ရှင်။
Showing posts with label ဘာသာပြန်. Show all posts
Showing posts with label ဘာသာပြန်. Show all posts

Thursday, October 4

အဖိုးအို နှင့် အာလူးခင်း

မင်နက်စိုတာ မှာ အဖိုးအို တစ်ယောက် အဖော်မဲ့စွာ နေနေရရှာတယ်။ အာလူးခင်းကို တူးချင်ပေမယ့် သူတစ်ယောက်တည်း အားနဲ့က ဘယ်လိုမှ မဖြစ်နိုင်ဘူးလေ။ သူရဲ့ တစ်ဦးသော သား သာ ထောင်မကျနေ ဘူးဆိုရင် သူ့ကိုကူပေးတဲ့ လူရှိလို့ ဒီလောက်  သောကရောက်တော့မှာ မဟုတ်ဘူး။ ဒါနဲ့ သူ့သားဆီကို သူအခု လက်ရှိဖြစ်နေတဲ့ အခြေအနေကို စာရေး ပြောဖို့ ဆုံးဖြတ်လိုက်တယ်။ 

သားရေ
အဖေတော့ အတော်လေး စိတ်ဓါတ်ကျနေတယ်။ ဒီတစ်နှစ် အာလူးခင်းက ဖြစ်တော့မယ် မထင်ဘူး။ အဲ့လို တွေးမိတာနဲ့တင် အတော်လေး စိတ်မကောင်းဖြစ်မိတယ်။ မင်းအမေ သက်ရှိထင်ရှားရှိနေကတည်းက လုပ်ခဲ့တဲ့ အစဉ်အလာလေး ပျက်ပီ ထင်ပါရဲ့။ အဖေလဲ အဲ့ဒီ ယာခင်းကို တူးဖို့ ဘယ်လိုမှ အင်အားမရှိဘူး၊ မလုပ်နိုင်ဘူး.... သားသာ အနားမှာ ရှိနေရင် သိပ်ကောင်းမှာပဲကွယ်...သား ထောင်ထဲမှာသာ မဟုတ်ဘူးဆိုရင် အဖေ ဘယ်လောက် အားရှိလိုက်မလဲ။

သိပ်မကြာလိုက်ဘူး။ သားဆီက ပြန်စာရောက်လာတယ်။ အို ....အဖေ ယာခင်းကို တူးဖို့ မဖြစ်ဘူးနော်။ သားအဲ့မှာ ရွှေတွေ မြှုပ်ထားတယ်။

နောက်ရက်မနက် လေးနာရီလောက်ပဲ ရှိသေးတယ် အက်ဖ်ဘီအိုင် ကလူတွေ၊ ရဲအရာရှိတွေ ရောက်လာပြီး ယာခင်း အနှံ့တူးဆွလိုက်ကြပေမယ့် ရွှေနဲ့တူတဲ့ အရာတစ်ခုမှ မတွေ့သွားကြဘူး။

အဲ့လိုနဲ့ အဖိုးအိုလဲ အရမ်းအံ့သြပြီး ဇဝေဇ၀ါဖြစ်သွားတယ်။ သားဖြစ်သူကို စာထပ်ရေးပြီး မေးလိုက်တယ် သူဘာဆက်လုပ်ရမလဲပေါ့။

သားဖြစ်သူ ပြန်ပြောလိုက်တာက " ဘာမှ စဉ်းစားမနေနဲ့တော့ အဖေ... အာလူးတွေ စိုက်ဖို့သာ ပြင်ထားလိုက်တော့....ကျွန်တော် အချုပ်ထဲကနေ လုပ်ပေးနိုင်တာ ဆိုလို့ ဒါလေးပဲ ရှိလို့ပါ " တဲ့။



 

ဒီစာလေး ဖတ်ပြီး ထောင်ထဲ ရောက်နေတဲ့ သားက အဖေကို တတ်နိုင်တဲ့ နည်းနဲ့ ကူညီပေးနေတယ် ဆိုရင် ကျွန်မတို့ အခုလို မိဘဘေးမှာ နေနေရပြီး အရိပ်တကြည့်ကြည့်နဲ့ စောင့်ရှောက်ပေးတဲ့ သူတို့ အတွက် ဘာတွေများ လုပ်ပေးပြီးပြီလဲ? အနီးကပ် နေခွင့်ရတာတောင်မှ မိဘကျေးဇူးကို လုံးဝ မသိတတ်ဘူးဆိုရင် တကယ်ပဲ လူမဆန်တဲ့ သားသမီးတွေ ဖြစ်မှန်းမသိ ဖြစ်နေကြပီ။ အချိန်တွေ တဖြုတ်ဖြုတ် ကုန်ဆုံးနေသလို အသက်တွေလဲ တစ်ရက်ပြီး တစ်ရက် ပိုကြီးလာတယ်။ အဖေနဲ့ အမေ အမြဲ ရှိနေမှာပဲ ဆိုပြီး ဒီတိုင်းပဲ အမှုမဲ့ လျစ်လျူရှုထားလိုက်ရင် နောင်တစ်ချိန်မှာ နောင်တ တစ်ပွေ့ကြီးနဲ့ ပြန်ပြင်လို့မရတဲ့ အတိတ်ကို တမ်းတနေလဲ မထူးတော့ဘူး။ ရှိခြင်းရဲ့ တန်ဖိုးကို သေချာသိမှ တန်ဖိုးထားတတ်မှ လိပ်ပြာမလုံတာတွေ၊ တာဝန်မကျေတာတွေ မရှိဘဲ ဘယ်ချိန်ပြန်တွေးတွေး ကျေနပ်ပီတိဖြစ်နိုင်မှာပါ။


ခေးရော့စ်


Friday, November 21

တန်ဖိုး

တန်ဖိုးတစ်ခုဆိုတာ သတ်မှတ်တဲ့လူပေါ်မှာတည်တယ်။ ဘ၀ဆိုတာကို တန်ဖိုးတစ်ခုလို့ သတ်မှတ်မယ်ဆိုရင် ပေးဝယ်ရမယ့် အရင်းအနှီးကတော့ အချစ်၊ အချိန်၊ ဆင်းရဲဒုက္ခ၊ ပျော်ရွှင်မှု၊ အသိပညာ၊ အတွေ့အကြုံတွေပဲဖြစ်မယ်ထင်တယ်နော်။ ဒါကလဲ ခေးရော့စ်ရဲ့အတွေးပါ။ ဖောဝေါ့မေး တစ်ခုကနေရတာလေးကို ဘာသာပြန်တင်ပေးလိုက်တယ်။ ဖတ်ကြည့်ကြပါဦး။

  • ဒီနေ့ တကယ်လို့များ နားမ၀င်သာတဲ့ စကားတစ်ခုကို ပြောမိတော့မယ်ဆိုရင် စကားလုံးဝမပြောတတ်တဲ့သူတွေကို သတိရလိုက်ပါ။
  • အရင်တုန်းက အစားအသောက်နဲ့ ပတ်သက်ပြီး ချေးများတယ် ဆိုရင် စားစရာတောင် လုံးဝမရှိနေတဲ့ သူတွေကို သတိရလိုက်ပါ။
  • ကိုယ့်ရဲ့ ကြင်ယာဘက်နဲ့ ပတ်သက်ပြီး မကောင်းမြင်နေမယ်၊ အပြစ်တွေတင်နေမယ်ဆိုရင် ဘ၀မှာအဖော်တစ်ယောက် တစ်လေမှ မရှိနိုင်လို့ ဘုရားသခင်ထံ ငိုကြွေးပြီး ဆုတောင်းနေသူများကို သတိရလိုက်ပါ။
  • ဒီနေ့မှာ တကယ်လို့များ ဘ၀နဲ့ ပတ်သက်ပြီး အပြစ်တင်နေမယ်ဆိုရင် တစ်ချို့သောလူများ ဘ၀ဆိုတာကို သေချာမသိခင်ဘဲ လူ့လောကကနေ ထွက်ခွာသွားနေရတယ်ဆိုတာကို သတိရလိုက်ပါ။
  • ကိုယ့်မှာရှိတဲ့ ကလေးတွေနဲ့ပတ်သက်ပြီး ဗာဟီရများတယ် ဘာဖြစ်တယ် ညာဖြစ်တယ် ပြောနေမိတယ်ဆိုရင် တစ်ချို့လူတွေ ကလေးလိုချင်လို့မှ ကလေးမရနိုင်တာကို သတိရလိုက်ပါ။
  • တစ်ချိန်က ကိုယ့်အိမ်မှာ ဖုန်တင်နေလို့ပဲဖြစ်ဖြစ်၊ တစ်ယောက်ယောက်က မလှည်းမကျင်းထားတာပဲဖြစ်ဖြစ် အပြစ်တွေ မြင်နေမိတယ်ဆိုရင် တစ်ချို့သောလူတွေ အပြစ်တင်ခွင့်ဘာမှမရှိဘဲ လမ်းပေါ်မှာနေထိုင်နေရတာကို သတိရလိုက်ပါ။
  • ကိုယ်က ယာဉ်တစ်ခုကို ပိုင်ဆိုင်နေရက်နဲ့ သွားရတဲ့ ခရီးဝေးလို့ ငြီးတွားနေမယ်ဆိုရင် ခရီးချင်းအတူတူကိုမှ ကိုယ့်ခြေထောက်ကိုယ် အားကိုးပြီး လမ်းလျှောက်နေရတဲ့ သူတွေကို သတိရလိုက်ပါ။
  • ကိုယ်လက်ရှိလုပ်နေတဲ့ အလုပ်တစ်ခုနဲ့ ပတ်သက်ပြီး ပွစိပွစိနဲ့ အပြစ်မြင်နေမယ်၊ ကိုယ့်ကိုယ်ကို ပင်ပန်းနေမယ်လို့ မြင်နေရင် အလုပ်လက်မဲ့လူတွေ၊ မသန်မစွမ်းတွေနဲ့ အလုပ်လိုချင်တဲ့လူတွေကို သတိရလိုက်ပါ။
  • တွေ့ရာလူကို လက်ညှိုးလေးထိုးပြီး အပြစ်မြင်နေမယ့်အစား လောကကြီးမှာရှိတဲ့ ဘယ်တစ်ဦးတစ်ယောက်ကမှ ပြည့်စုံခြင်း ဆိုတာကို မပိုင်ဆိုင်ထားနိုင်ဘူးဆိုတာကို သတိရလိုက်ပါ။

ဒါက ဖောဝေါ့မေးထဲက စာသားလေးတွေကို တတ်နိုင်သလောက် ဘာသာပြန်ထားတာပါ။ ရေးထားတာကတော့ ဟုတ်လို့။ ရှင်းရှင်းပြောရရင် အကောင်းမြင်ကြည့်မယ်ပေါ့။ အဓိက လူတစ်ယောက်မှာ သူရဲ့ ပြသနာကို ဘယ်ရှုထောင့် ကြည့်ပြီး ဆုံးဖြတ်မယ်ဆိုတာ အရေးအကြီးဆိုပါ။ အရာရာကို အကောင်းမြင်ပြီး အရှုံပေး နှလုံးအေး အားလုံးကို လက်မြောက် ဖြစ်ချင်ရာဖြစ် လက်ခံမယ်ဆိုလဲ မဟုတ်သေးပြန်ဘူး။ အချိန်အခါနဲ့ အခြေအနေကိုကြည့်ပြီး လုပ်သင့်လုပ်ထိုက်တာကို ခွဲခြားသိလို့ တန်ဖိုးဆိုတာကို နားလည်မယ်ဆိုရင်…………….

ခေးရော့စ်

Sunday, November 16

အမေးအဖြေနဲ့ အတွေးတွေ

တစ်ခါတုန်းက အရာခပ်သိမ်းအကြွင်းမဲ့ စောင့်ကြပ်ကြည့်ရှုရတဲ့ စစ်သားလေး တစ်ယောက်ရှိတယ်။ သူဟာ သန်မာတယ်၊ ရဲရင့်တယ်၊ လွတ်လပ်မှုအတွက် တိုက်ပွဲဝင်ဖို့ အဆင်သင့်ဖြစ်နေသလို လူသားတွေရဲ့ လူ့အခွင့်အရေးအတွက်လဲ သူ့မှာတာဝန်သိစိတ် အပြည့်ရှိတယ်။

တစ်နေ့မှာ ခေါင်းဆောင်က “ တကယ်လို့များ မင်းတစ်ခြားလူသားတွေကို သတ်ပစ်နိုင်ရင် ဒါမှမဟုတ် လူတွေကို အနာတရဖြစ်အောင်သာ လုပ်နိုင်မယ်ဆိုရင် မင်းရဲ့လုပ်ရပ်အတွက် ဆုတံဆိပ်တွေ အမြောက်အများ ချီးမြှင့်ခံရမှာဖြစ်သလို အဆုံးမဲ့ အောင်မြင်မှု၊ ကျော်ကြားမှု တစ်ခုကိုပိုင်ဆိုင်ရစေမယ်။ ဒီလိုအမိန့်ပေး ခိုင်းစေတာလဲ တစ်ခြားတော့ မဟုတ်ပါဘူး။ လူသားတွေကိုကယ်တင်ဖို့ပါ။” လို့ပြောလိုက်တယ်။

“ ကျွန်ုပ်က ကရုဏာ ရှေ့ရှုတဲ့ လူတစ်ယောက်ပါ” စစ်သားလေးကဆက်ပြောတယ် “ သတ်ဖြတ်မှုနဲ့ လူတွေကို နာကျင်အောင်လုပ်တာက တကယ်ပဲ ကမ္ဘာကြီးကို ငြိမ်းချမ်းမှုဆောင်ယူလာနိုင်တယ်ဆိုတာ ဟုတ်ပါသလား?”

ဒါနဲ့ ခေါင်းဆောင်က ဖြေတယ် “ယုတ်ညံ့တဲ့၊ စိတ်ဓါတ်မကောင်းတဲ့ လူတွေကို သုတ်သင်ဖို့အတွက် တစ်ခုတည်းသော နည်းလမ်းက သူတို့ကို အဆုံးစီရင်လိုက်ဖို့ပဲ။ သူတို့ အနာတရဖြစ်မှ ငါတို့စစ်တပ်ရဲ့ အင်အားကြီးမားမှု၊ တန်ခိုးအာဏာရှိမှုတွေပို ထင်ရှားသိသာလာပြီး သူတို့တွေ ငါတို့ကိုကြောက်ရွံ့မယ်လေ။ ဒါကြောင့် ဒီလို သွေးထွက်သံယိုဖြစ်မှုဟာ ငြိမ်ချမ်းမှုကို ဆောင်ယူလာဖို့အတွက် လိုအပ်တယ်”

“ အခွင့်အရေးတွေ ချိုးဖောက်ပြီး အကြမ်းဖက် အပြုအမူတွေက ငြိမ်းချမ်းရေးကို ဆောင်ယူလာမယ်…ဟုတ်လား? ကျွန်တော် မေးချင်တယ်ဗျာ။ ဒီအပြုအမူ လုပ်ရပ်တွေက ဆင်းရဲဒုက္ခ၊ အမုန်းတရား၊ ကြောက်ရွံ့မှု နဲ့ လက်စားချေခြင်းဆိုတဲ့ သစ်စေ့တွေကို စိုက်ပျိုးလိုက်သလိုပဲ။ ဘာသာဝင်အမျိုးမျိုးရဲ့ တရားဟောသဘောတွေကို မလေးမစားပြုမူလိုက်သလိုပါပဲလို့ ကျွန်တော်ထင်တယ်ဗျာ”

ခေါင်းဆောင်ကြီးက ဘာမှပြန်မဖြေပဲ တုံဏှိဘာဝေနဲ့လုပ်နေတယ်။ နောက်တော့ အသံနက်ကြီးနဲ့ “ အေး…မင်းဒါတွေကို မလုပ်ချင်ရင်ရတယ်။ တကယ်ပဲ ငြိမ်ချမ်းမှုလိုလားတဲ့ တစ်ခြားလူတွေကို ငါခိုင်းလိုက်ရုံပဲလေ..ငါထင်ပါတယ် သူတို့တွေ အသက်စွန့်လုပ်ဆောင်ဖို့အတွက် အဆင်သင့်ပဲလို့”
စစ်သားလေးက ပြန်ပြောတယ် “ စစ်မှန်တဲ့ ငြိမ်းချမ်းမှုကို တကယ်လိုချင်တယ်ဆိုရင် ငြိမ်းချမ်းစွာ ဆောင်ရွက်လို့ရတဲ့ နည်းတွေ အများကြီးရှိတာပါပဲ။ လူတွေကျွန်တော့ကို ထင်မြင်ယူဆ သတ်မှတ်ထားတာက ရဲစွမ်းသတ္တိနဲ့ ပြည့်စုံတယ်တဲ့ လူတစ်ယောက်ပါ။ ဒါတွေကလဲ အရေးကိစ္စကြုံလာတိုင်း ကျွန်တော့ သေနတ်ကို ဘေးမှာချလို့ မတရားခံရသူတွေကို တရားနည်းလမ်းကျအောင် ဖြေရှင်းပေးနိုင်တဲ့ နှလုံးရည်နဲ့ လူတွေကို ကူညီပံ့ပိုးတဲ့ စိတ်ဓါတ်ကြောင့်ပါ။ အမုန်းတရားတွေကို ချစ်ခြင်းမေတ္တာနဲ့ ………….. လျစ်လျူရှုခြင်းတရားကို အသိဥာဏ်ပညာနဲ့ …….. ကြောက်ရွံ့မှု ကို သစ္စာတရား နဲ့ ယုံကြည်စိတ်ချမှု တွေနဲ့ အနိုင်တိုက်မယ်။ လိုအပ်လို့ သေနတ်ကိုစွဲ တိုက်ပွဲဝင်ခဲ့ရင်တောင် ဘုရားသခင်ရဲ့ ဖန်ဆင်းမှုအပေါင်းပေါ်မှာ ရက်စက်ကြမ်းကြုတ်မိလေခြင်းဆိုတဲ့ ပူဆွေးမှုနဲ့ ယူကျုံးမရဖြစ်မိတယ်ဗျာ”

“မင်းကွာ……အဲ့ဒါ မင်းရန်သူတွေလေ” ဆိုပီး ဒေါသတစ်ကြီးနဲ့ ခေါင်းဆောင်ကြီးက အော်ဟစ်နေပါတော့တယ်။ စစ်သားလေးကလဲ “ မဟုတ်ဘူး။ သူတို့တွေက ကျွန်တော့ အတွက် တစ်အူတုံဆင်း ညီရင်းအစ်ကိုတွေလိုပါပဲဗျာ။ အားနည်းတဲ့လူ၊ ပြောခွင့်မရပဲ ဖိနှိပ်ခံလူတန်းစားတစချို့ နဲ့ ကလေးငယ်တွေအတွက် …ကုန်ကုန်ပြောမယ်ဗျာ…….လူသားအားလုံးအတွက် ကျွန်တော်တိုက်ပွဲဝင်တာပါ… အံ့သြစရာကောင်းတာ တစ်ခုရှိတယ်… ဘုရားသခင်က သွေးထွက်သံယိုမှုမပါပဲ အောင်နိုင်တဲ့ လက်နက်တစ်ချို့ ကျွန်တော်တို့ကိုပေးထားတယ်။ ပညာမဲ့ လူတန်းစားတွေအတွက် ကျွန်တော် ကျောင်းဆောင်ပြီးကူညီမယ်။ နာဖျားမကျန်းဖြစ်သူတွေကို ဆေးရုံတွေဆောက်ပေးမယ်။ ဆာလောင်မွတ်သိပ်နေသူတွေအတွက် လုံလောက်တဲ့ လယ်ယာတွေတည်ထောင်ပေးမယ်။ လက်စားချေလိုမှုဆိုတဲ့ အကြီးမားဆုံး ရန်သူကို တစ်ယောက်ကို တစ်ယောက် အပြန်အလှန်နားလည်လို့ စည်းလုံးညီညွတ်ခြင်းဆိုတဲ့ လက်နက်နဲ့ တိုက်ထုတ်မယ်ဗျာ။”

ခေါင်းဆောင်ကလဲ “ ဟ..ဟ…လုပ်လေ သူတို့က မင်းကိုတောင် ပြန်သတ်သွားဦးမယ်” လို့ပြောပြန်ရော။
ဒါနဲ့ စစ်သားလေးက “ ဟုတ်ရင်လဲဟုတ်မယ်လေ။ ဒါပေမယ့် သူတို့မိသားစု သူတို့သွေးသားတွေကိုသာ ကျွန်တော် မထိခိုက် အမှားမကျူးလွန်ဘူးဆိုရင် ကျွန်တော်နဲ့ ကျွန်တော့မိသားစုကို သူတို့ဘာလို့ အကျဉ်းအကျပ်ထဲ ထည့်မှာလဲ?”

“ မင်းက အတွေးသမားသက်သက်ပဲကွ….. ဒါပေမယ့်ကွာ မင်းလုပ်ရပ်တွေက တကယ်တမ်းတော့ ဖြစ်နိုင်ချေကို မရှိဘူး” လို့ခေါင်းဆောင်က ပြောတယ်။

စစ်သားလေးက “ ဘုရားသခင်ရဲ့ဆန္ဒက ကမ္ဘာကြီး ငြိမ်းချမ်းဖို့ဆိုတာကို ခေါင်းဆောင်ကြီး လက်ခံပါသလား?” လို့လဲမေးရာ ခေါင်းဆောင်က “ လက်ခံတယ်လေ” လို့ပြန်ပြောတယ်။စစ်သားလေးက “ ဒါဆို ဘုရားသခင်ရဲ့ ဆန္ဒတွေကရော ဖြစ်နိုင်ချေမရှိဘူးလို့ ခေါင်းဆောင်ကြီးက ဆိုလိုပါသလား? ဘုရားသခင်က ကျွန်တော်တို့ကို မျှော်လင့်ချက်အိပ်မက်တွေ ပေးတယ်။ သူ့ရဲ့ သင်ကြားမှုအောက်မှာ ချစ်တတ်တဲ့စိတ်နဲ့ လူအများကို စိတ်အာဟာရဖြည့်ပေးရမှာ ကျွန်တော်တို့ တာဝန်တွေပါ။ လူတစ်ယောက် ကိုယ့်ကို ဘယ်လိုပြုမူဆက်ဆံလဲဆိုတာ ကိုယ်က သူ့ကိုဘယ်လိုအရင် ဆက်ဆံတယ်ဆိုတဲ့ အပေါ်မှာ မူတည်ပါတယ်။ ကျပ်တည်းဆင်းရဲမှု၊ လျစ်လျူရှုခံထားရခြင်းနဲ့ ဖိနှိပ်မှု၊ အကြောက်တရား အစရှိတဲ့ ပြသနာကို ဖြေရှင်းနိုင်မယ်ဆိုရင် တစ်စစီကြဲပြန့်ပြီး မျှော်လင့်ချက်ကင်းမဲ့နေတဲ့ ဘ၀တွေကို စုစည်းပေးလိုက်နိုင်သလိုပါပဲ။ ဒါဆိုရင် သူတို့က ကျွန်တော်တို့ကို အန္ဒရာယ်ပြုလိုတဲ့ ဆန္ဒတွေဆိုတာ ဘယ်မှာလာရှိတော့မလဲ။ ဥပမာဗျာ…အရုိးရှင်းဆုံးတစ်ခု ပြောရရင် သူတို့အတွက် လိုအပ်မယ့် အလုပ်ပေးနိုင်မယ်ဆိုပါစို့။ အလုပ်လုပ်ချင်စိတ်နဲ့ တကယ်သာကြိုးစားလုပ်မယ်ဆိုရင် အနည်းဆုံး သူတို့ စားဝတ်နေရေး ပြေလည်မယ်။ သူတို့အတွက် ဖန်တီးပေးတဲ့ အခွင့်အရေးတစ်ခုကို သူတို့က တကယ်အကျိုးရှိရှိအသုံးချမယ်ဆိုရင် နှစ်ဦးနှစ်ဖက်လဲ အကျိုးရှိနိုင်တာပေါ့။”

ခေါင်းဆောင်ကြီးကလဲ ဟိန်းဟောက်တဲ့ လေသံနဲ့ “ ဒီလိုတွေလုပ်မယ်ဆိုရင် ပိုက်ဆံတွေ အများကြီး ကုန်ကျမယ်ဆိုတာ နားမလည်ဘူးလားကွ” လို့လဲပြောရော စစ်သားလေးက “ ဒါဟာကျွန်တော်တို့ လိုအပ်တဲ့ ငြိမ်းချမ်းမှုအတွက် ပေးဆပ်ရမယ့် တန်ဖိုးပဲလေ။ လောကမှာ ဘယ်အရာကိုမှ အလကားမရပါဘူး။ တကယ်လို့ ပိုက်ဆံတွေ အများကြီးနဲ့ ကမ္ဘာကြီးရဲ့ ငြိမ်းချမ်းမှုကို လှဲလှယ်လိုက်နိုင်တယ်ဆိုရင်ပဲ လူသားအားလုံး လူနေမှုဘ၀သာယာဖို့ အတွက်ဖြစ်လို့ ဘာပဲဖြစ်ဖြစ် တန်ပါတယ်။ ကျွန်တော်တို့ ကလေးတွေအတွက် သာယာလှပတဲ့နေရာလေးတစ်ခုကို ဖန်ဆင်းပေးနိုင်ဖို့အတွက် ငြိမ်းချမ်းမှုဆိုတဲ့ ခေါင်းစဉ်အောက်မှာ တိုက်ပွဲဝင်ဖို့ မလုပ်နိုင်သလို၊ လုပ်ဖို့လဲ စိတ်ကူးမရှိပါဘူး။ လူသားတစ်ယောက်ရဲ့ အသက်တစ်ချောင်းအတွက် ငွေတန်ဖိုးဘယ်လောက်ရှိလဲ? လူတစ်ယောက်ရဲ့ ဂုဏ်သိက္ခာကရော ပိုက်ဆံနဲ့ တန်ဖိုးဖြတ်မယ်ဆိုရင် ဘယ်လောက်တန်ပါသလဲ? ကမ္ဘာကြီးကို ချစ်မြတ်နိုးတဲ့စိတ်၊ ငြိမ်ချမ်းစေချင်တဲ့စိတ်ကရော ဘယ်လောက်တန်ဖိုးရှိပါသလဲ?ဆိုတာ ခေါင်းဆောင်ကြီးကနေ ပြောပြပေးစေချင်ပါတယ်။” ခေါင်းဆောင်ကြီးမှာ ဖြေစရာစကားမရှိပါဘူး။ သူတစ်ယောက်သာ အလုပ်တွေသိပ်ရှုပ်နေတယ်ဆိုတဲ့ ပုံနဲ့ “ အချိန်မရှိဘူးကွာ။ ငါ့မှာ စစ်ပွဲတွေကို ဆင်နွှဲဖို့ ပြင်ဆင်ရမယ်” လို့ဖြေတယ်။ စစ်သားလေးက ရုံးခန်းထဲကနေ ထထွက်လာတယ်။ ပြီးတော့ ကျွန်မတို့ကိုစကားတွေ လှမ်းပြောနေတယ်။ သူပြောချင်တာက “ ကျွန်တော့်အသက်နဲ့ အလောင်းအစားလုပ်ခဲ့တဲ့ ဒီစကားဝိုင်းဟာ ကျွန်တော်နဲ့တကွ ကျွန်တော့မိသားစု၊ ပြီးတော့ ကမ္ဘာအ၀ှမ်းရှိ လူသားအားလုံးအတွက် စွန့်စားခဲ့တာပါပဲ။ တကယ်လို့များ ခင်ဗျားတို့ အားလုံး ကျွန်တော်နဲ့အတူ ပါဝင်ကူညီမယ်ဆိုရင် ကမ္ဘာကြီးအတွက် လိုအပ်နေတဲ့ ငြိမ်းချမ်းမှုကို အတူတကွ ဆောင်ကျဉ်းပေးနိုင်မှာ မုချပဲဗျာ”

ခေးရော့စ်

Saturday, September 20

အိပ်စက်ခြင်းဟုဆိုရာဝယ်.........

ညမှာ ကောင်းစွာ အိပ်စက်ရတယ်ဆိုရင်ပဲ မနက်နိုးလာတာနဲ့ နေလို့ထိုင်လို့ ကောင်းနေတယ်။ လိုအပ်တဲ့ အိပ်စက်မှုကိုသာ ရရှိမယ်ဆိုရင် လူက လန်းဆန်းနေတယ်။ နောက်နေ့သစ်တွေကို ရင်ဆိုင်ဖို့ အားအင် ပြည့်ဝနေတယ်။ စိတ်ကလဲ ကြည်လင်နေတယ်။ ဒါဆိုရင် နေ့တစ်နေ့ရဲ့ လုပ်ငန်း ဆောင်တာတွေကို ပြီးမြောက်နိုင်တဲ့ ခွန်အားတွေ ပိုရှိနေသလိုပါပဲ။ ပိုကျန်းမာနေမယ် ………. ပိုပြီးတော့တောင် ကြည့်ကောင်းနေသေး။

အကောင်းဆုံး အိပ်စက်ခြင်းကတော့ တစ်ညလုံး ဆက်တိုက် ဘာအနှောင့်အယှက်မှ မရှိဘဲ အိပ်စက်နိုင်ခြင်းကို ခေါ်ပါတယ်။ တကယ်လို့များ အိပ်ချိန်က ပြတ်တောင်း ပြတ်တောင်းဖြစ်နေမယ်ဆိုရင် ခန္ဓာကိုယ်ရဲ့ အောက်ပါ တာဝန်ရပ်များကို ပြီးမြောက်အောင် မစွမ်းဆောင်နိုင် တော့ပါ။
  • ကြွက်သားများကို ပြုပြင်ပေးခြင်း။

  • ဦးနှောက်မှ မှတ်ဉာဏ်အဖြစ် သိုလှောင်ပေးခြင်း။

  • ကြီးထွားရန်နှင့် အစာစားချင်စိတ်ကို ဖြစ်ပေါ်စေသော ဟော်မုန်းများကို ထုတ်လွှတ်ပေးခြင်း။

နောက်ဆုံး ရလာဒ်ကတော့ ကောင်းစွာ အာရုံမစူးစိုက်နိုင်ခြင်း၊ ဆုံးဖြတ်ချက်များပြုလုပ်ရန် အခက်အခဲရှိခြင်း၊ ကျောင်းသားဖြစ်ခဲ့လျှင် ကျောင်းစာများကို ကောင်းစွာ မလေ့လာနိုင်ခြင်းနှင့် လူမှုရေး လုပ်ငန်းဆောင်တာများတွင် စွမ်းဆောင်ရည် ကျဆင်းနိုင်ခြင်းတို့ ဖြစ်တတ်ပါသည်။

အိပ်စက်ခြင်းနဲ့ပါတ်သက်လို့ ကျွမ်းကျင်သူများရဲ့ ပြောပြချက်အရ အရွယ်ရောက်ပြီးတဲ့ လူတစ်ယောက်က တစ်နေ့ကိုအိပ်ချိန် ၇နာရီ ကနေ ၉နာရီကြားရှိရမယ်လို့ဆိုထားပါတယ်။ ဒါပေမယ့် တစ်ချို့သောသူတွေက အိပ်ချိန်နည်းပေမယ့် တစ်နေ့တာ လုပ်ငန်းဆောင်တာတွေကို ကောင်းစွာ ဆောင်ရွက်နိုင်ပြီး တစ်ချို့လူတွေက အိပ်ချိန်ပိုရရှိမှသာ တစ်နေ့တာ လည်ပတ်ဖို့ အားအင်ပြည့်ဝကြပါတယ်။

The National Sleep Foundation (NSF) ရဲ့မှတ်တမ်းများအရ လူတစ်ယောက်ရဲ့ အိပ်ချိန်က သူ့အသက်အရွယ် အပိုင်းအခြားအလိုက် ကွဲပြားသွားတယ်လို့ သိရပါတယ်။ မွေးကင်းစကလေးငယ်လေးများ ကတော့ အိပ်ချိန်တော်တော်များများ လိုအပ်တယ်။ ဒါတင်မကဘူး….၂၄နာရီပတ်လုံးမှာ ဖြစ်နိုင်ရင် ခဏခဏ သိပ်ပေးတာ ကလေးလေးတွေအတွက် ပိုသင့်လျော်ပါတယ်။ အသက် (၅)နှစ် အရွယ်လောက်ထိကို အခုလိုမျိုး နေ့ခင်းဘက် တစ်ရေးတစ်မော အိပ်စက်ခိုင်းခြင်းက ကလေးများအတွက် များစွာသင့်လျော်ပါတယ်။ အသက်အရွယ် ကြီးပြင်းလာတာနဲ့ အမျှ မှေးစက်ဖို့ လိုအပ်ချိန်တွေ တစ်ဖြည်းဖြည်း ကွာဟလာပါတယ်။
အိပ်ချိန် လုံလောက်စွာမရရှိခဲ့ရင် ဘာတွေဖြစ်နိုင်မလဲဆိုတဲ့ မေးခွန်းတွေ ရှိလာနိုင်တယ်။
  • စိတ်ထဲမှာ မရိုးမရွဖြစ်ခြင်း

  • စိတ်ဂဏှာမငြိမ်ဖြစ်ခြင်း

  • မောပန်းနွမ်းလျခြင်း

  • စိတ်သွားတိုင်း ကိုယ်မပါဖြစ်ခြင်း

  • စိတ်မကြည်ခြင်း

  • အမြင်အာရုံ၊ အကြားအာရုံ စတဲ့ အာရုံခံစားမှုအပိုင်းနဲ့ ကြွက်သားလှုပ်ရှားမှု အပိုင်းတွေမှာ နှေးကွေးမှုတွေကို ဖြစ်ပေါ်စေပါတယ်။
လူတစ်ယောက်ဟာ အိပ်ချိန်ကို လုံလောက်စွာ ရရှိနေမယ်ဆိုရင် ခန္ဓာကိုယ်မှ leptin နဲ့ ghrelin လို့ခေါ်တဲ့ ဟော်မုန်းဓါတ်တွေကို ပုံမှန်လည်ပတ်နေစေတယ်။ ဒီဟော်မုန်းနှစ်မျိုးက ဇီဝအစာချေဖျက်စနစ်အတွက် အထောက်အကူ ပြုသလိုပဲ ကျွန်မတို့ တစ်နေ့တာမှာ စားသုံးလိုက်တဲ့ ကယ်လိုရီဓါတ်တွေကို ပြန်လည်အသုံးပြုနိုင်ဖို့ အတွက်လည်း အကူအညီပေးပါတယ်။ အိပ်ရေး မ၀တဲ့ အချိန်မှာ ၄င်း ဟော်မုန်းတွေရဲ့ လုပ်ဆောင်ချက်ကို အနှောင့်အယှက်ပေးသလို ဖြစ်တဲ့အတွက် ခန္ဓာကိုယ် အလေးချိန်ကို အလွယ်တကူ မထိန်းချုပ်နိုင်ခြင်းနှင့် ပေါင်ချိန်တက်လာခြင်းတွေ ဖြစ်လာနိုင်ပါတယ်။

တကယ်တမ်းတော့ လုံလောက်စွာ အိပ်စက်နိုင်ခြင်းက လူတိုင်း အတွက် လိုအပ်သလို၊ အရေးလဲ ကြီးပါတယ်။ နေ့စဉ်ပုံမှန် ဆိုသလို လုံလောက်စွာ မအိပ်စက်နိုင်သူများအတွက် ဘ၀ရဲ့ ပျော်ရွှင်မှုအပိုင်းမှာ ထိခိုက်နစ်နာမှုတွေ ကြုံတွေ့လာနိုင်ပါတယ်။ အာဟာရပြည့်ဝတဲ့ အစားအစာ စားသောက်ခြင်းနဲ့ ပုံမှန်လေ့ကျင့်ခန်းလုပ်ခြင်းဖြင့် နှစ်ခြိုက်စွာ အိပ်စက်ခြင်းသို့ ရောက်ရှိအောင် ကြိုးစားကြည့်သင့်ပါတယ်။

အိပ်စက်ခြင်း အကြောင်းကိုသာ ခေါင်းစဉ်တွေတပ်ပြီး ရေးနေတာ။ တကယ်တော့ ကျွန်မအတွက် တစ်နေ့တာ အိပ်ချိန်တွေကို လုံလောက်စွာ မရရှိပါဘူး။ ညညတွေဆို အိပ်မပျော်တတ်ဘူး။ လူများတွေက ပြောတယ်။ အိပ်မပျော်ရင် စာဖတ်လိုက်။ စာဖတ်ရင်းနဲ့ ငိုက်ပြီး အိပ်ပျော်သွားရောတဲ့။ ကျွန်မအတွက်ကတော့ အဲ့ဒီ method က အသုံးမ၀င်ဘူး ဖြစ်နေတယ်။ အိပ်မပျော်လို့ စာအုပ်တစ်အုပ် ကောက်ဖတ်လိုက်တာနဲ့ အိပ်ချင်စိတ်တွေ ကြက်ပျောက် ငှက်ပျောက် ပျောက်ကုန်ပါလေရော။ ဒါနဲ့ပဲ ဘလော့မှာ ကဗျာတွေလည်း ကျဲလာရော။ မဆိုင်ဘူးလားဆို ဆိုင်တော့မဆိုင်ပါဘူး။ နဲနဲလေးတော့ဆိုင်တယ်။ ဘာလို့လဲဆို ကဗျာဆိုတာ ရေးချင်းတိုင်း ရေးလို့ရတာ မဟုတ်ဘူး။ ကျွန်မအတွက် ပြောတာပါ။ အထူးသဖြင့် ညမိုးချုပ်ချိန်တွေဆို တွေးငေးပြီး ကဗျာထိုင်စပ်ရတာကို ၀ါသနာ အလွန်ပါပါတယ်။ ဒါနဲ့ပဲ အိပ်ပျက်ညပေါင်းလဲ မနည်းတော့ပါဘူး။ အခုနောက်ပိုင်း ကျန်းမာရေး အခြေအနေကြောင့် ညကို စောစောအိပ်ဖြစ်ပါတယ်။ ကဗျာတွေ ခေါင်းထဲ တိုးဝင်လာလဲ ဇွတ်ကြိတ်မှိတ်ပြီးကို အိပ်ပျော်အောင်အိပ်ရတယ်။ တစ်ခါတစ်ခါ ညဘက်တွေ အိပ်ဆေး သောက်အိပ်မှ အိပ်ပျော်တယ်။ ညရောက်မှာကို ကြောက်တတ်လာတယ်။ အိပ်မပျော်တဲ့ ညတွေကို အမြန်ဆုံး အဆုံးသတ်ချင်နေပြီ။ အခုတော့ လေ့ကျင့်ခန်း ပုံမှန်လုပ်လို့ အိပ်ပျော်စ ပြုလာပါပြီ။ ဒီ topic လေးကလဲ ကျွန်မလို အိပ်မပျော်တဲ့ လူတွေအတွက်များ အသုံးဝင်မလားဆိုပြီး ဘာသာပြန်တင်လိုက်တာပါ။ တစ်ချို့ကပြောတယ် အိပ်ပျော်အောင် အိပ်လိုက်လေတဲ့။ အဲ့လောက်တောင် လွယ်ကူနေမှတော့ အိပ်မပျော်တဲ့ ရောဂါဆိုတာတောင် ရှိလာမှာ မဟုတ်တော့ဘူး။ အအိပ်ကောင်းသူများ၊ အိပ်ပျော်လွယ်သူများ အားလုံးကို မနာလိုဘူး။ :(

ခေးရော့စ်

Thursday, July 10

ကောင်လေးတစ်ယောက်ကပေးသော သင်ခန်းစာ

နေသာတဲ့ နေ့လေးတစ်နေ့မှာပေါ..........ပင်လယ်ကြီးရဲ့ အရှေ့ဘက်ခြမ်းတစ်လျှောက်မှာ မထင်မှတ်ပဲ အံ့သြစရာတစ်ခု ဖြစ်သွားတယ်။ ၁၄နှစ်၊ ၁၅နှစ်အရွယ် ကောင်လေးအုပ်စု သုံးစုလောက်တွေ့မိကြတယ်။ အထက်တန်းကျောင်းသား အရွယ်လေးတွေပေါ့။ သူတို့အားလုံး အပြေးပြိုင်ဖို့ အတွက် တာဆူနေကြတယ်။ ပထမ အုပ်စုက တစ်အားတက်ကြွနေတယ်။ ပြိုင်ပွဲတစ်ခုကို ယှဉ်ပြိုင်မယ့် အနိုင်ရချင်တဲ့၊ ခေါင်းဆောင်ဖြစ်ချင်တဲ့ ပုံရိပ်တွေ ထင်ဟပ်နေကြတယ်။ ဒုတိယအဖွဲ့ကတော့ ကောင်လေးစုစုပေါင်း အယောက် (၂၀) လောက်ရှိမယ်။ သူတို့ကို ကြည့်ရတာ ပထမအုပ်စုလောက် တက်တက်ကြွကြွ မရှိကြဘူး။ ပထမအုပ်စုကို တကယ် ယှဉ်နိုင်ပါ့မလား ဆိုတဲ့ အတွေးတောင်ဝင်နေပုံရတယ်။ နောက်ဆုံးတစ်ဖွဲ့ ကောင်လေးတွေက (၁၀) ယောက် မပြည့်တစ်ပြည့်ပဲ။ သူတို့ကတော့ ခေါင်းငိုက်စိုက်ချထားလို့ ဘယ်သူ့ကိုမှ ယှဉ်နိုင်မှာ မဟုတ်ဘူးဆိုတဲ့ အရှုံးစိတ်ကို နှလုံးသွင်းထားနေလေရဲ့။ အဖွဲ့တွေအားလုံး အပြေးပြိုင်ပွဲအတွက် အာရုံထားနေကြချိန်မှာ ကောင်လေးတစ်ယောက် အေးအေးလူလူ လမ်းလျှောက်နေတယ်။ သပ်သပ်ရပ်ရပ်နဲ့ အားကောင်းမောင်းသန် ကောင်လေးကတော့ အသက်တောင် ပြင်းပြင်းမရှူဘူး။ တစ်ခြားအဖွဲ့တွေရဲ့ ဟိုးးးးးးအနောက်ဘက်မှာ အများကြီး ပြတ်ကျန်နေခဲ့ပေမယ့် အပြုံးမပျက်၊ ယုံကြည်မှု အပြည့်နဲ့ လျှောက်လှမ်းနေလိုက်တာ။ သက်တောင့်သက်သာနဲ့ ကမ်းခြေတစ်လျှောက် ရှုခင်းတွေကို ငေးမောရင်းပေါ့.......... သူ့အတွက်ကတော့ ပြိုင်ပွဲတစ်ခုလို့ မှတ်ယူထားပုံ မပေါ်ဘူး။ နေသာတဲ့ နေ့တစ်နေ့မှာ အလှအပ ခံစားရင်း လမ်းလျှောက်ထွက်လာပုံပဲ။ တစ်ခြားသူတွေလို စည်းကမ်းကလနားတွေနဲ့ ယှဉ်ပြိုင်ခြင်း၊ အနိုင်ရလိုခြင်း ဆိုတာထက် သူ့ပုံစံက ပါဝင်မှုတော့ရှိတယ်... ဒါပေမယ့် ရိုးရှင်းတယ်... မရှုပ်ထွေးဘူး... တကယ့်ကို ရိုးရိုးလေး... လွတ်လွတ်လပ်လပ် ပေါ့ပေါ့ပါးပါးနဲ့ လူများတွေ သူ့ကို ဘယ်လိုထင်မယ်၊ ဘယ်လိုတွေးမယ် ဆိုတာကို လုံးဝ အမှုမထားဘူး။
ဒါကတော့ ကျွန်မဖတ်လိုက်ရတဲ့ ဆောင်ပါးလေးတစ်ပုဒ်ကို သင့်လျော်အောင် ကြိုးစားပြီး ဘာသာပြန်ထားတာပါ။
ဒီရှုပ်ထွေး ပွေလီလှတဲ့ လောကကြီးထဲမှာ တစ်နေ့တစ်နေ့ ပြိုင်ဆိုင်မှု၊ ယှဉ်ပြိုင်မှုထဲမှာ နှစ်မြှုပ်ရင်း၊ ရုန်းကန်ရင်း၊ ဘ၀ခရီးကို လေးပင်စွာ လျှောက်လှမ်းနေမိကြတယ်။ ပတ်ဝန်းကျင်၊ လူ့အသိုင်းအ၀ိုင်းရဲ့ လောင်းရိပ်အောက်မှာ ကိုယ့်ရဲ့ ဆန္ဒတစ်စုံတစ်ရာကို မြေမြှုပ်သဂြိုလ်လိုက်ရမယ်ဆိုရင် တကယ်ရော ထိုက်တန်ရဲ့လားဆိုတာ ပြန်စဉ်းစားဖို့ လိုမယ်ထင်တယ်။ တစ်ခါတစ်ခါ ကိုယ်ဖြစ်ချင်တဲ့ ဆန္ဒ၊ လွတ်လပ်ပျော်ရွှင်မှုတစ်ခု အများကိုလဲ မထိခိုက်ဘူးဆိုရင် စိတ်ကို ထွက်ပေါက်ပေးသင့်တယ်။ ပြန်စဉ်းစားကြည့်ရင် ဘ၀ဆိုတာ တိုတိုလေးပါ။ စိတ်ကို ထောင်သွင်း အကျဉ်းချပြီး ပိတ်လှောင်ထားမယ့်အစား ပေါ့ပါးလွတ်လွပ်တဲ့ ခံစားမှုလေးတွေကို လွယ်လွယ်ကူကူ ရိုးရိုးရှင်းရှင်းလေး ကြုံတွေ့နိုင်တယ်ဆိုတာ သတိမထားမိလိုက်ကြဘူး။ ပညာရှိ သတိဖြစ်ခဲလေးဖြစ်သွားတာပါ။ မျှော်လင့်ချက်နဲ့ အသက်ရှင်နေထိုင်နေရတဲ့ ဒီလောကဆိုတဲ့ နေရာတစ်ခုထဲမှာ ယုံကြည်မှုကို မလွတ်တမ်းဆုပ်ကိုင်ရင်း စိတ်ချမ်းမြေ့မှုကိုလဲ မေ့ထားလို့ဘယ်ဖြစ်မလဲနော့.....


ခေးရော့စ်

Sunday, December 9

ဆေးလိပ်နှင့်အစားအသောက်

ကျန်းမာရေးနဲ့ ညီညွတ်တဲ့ အစားအစာတွေက ဆေးလိပ်ကို သောက်ချင်တဲ့ ဆန္ဒကို တိုက်ဖျက်ပေးတယ်တဲ့။ ဆေးလိပ်သောက်ဖို့ စဉ်းစားနေလား? ကော်ဖီသောက်ခြင်း၊ ယာမကာမှီဝဲခြင်းတွေကို လျှော့ပြီး နွားနို့၊ ရေ၊ အသီးအနှံနဲ့ အသီးအရွက်တွေကို ပိုစားပါတဲ့။ ဆေးလိပ်သောက်သုံးသူ ၂၀၉ယောက်ကို လေ့လာလိုက်တဲ့အခါ ၄၅% ရဲ့ပြောပြချက်အရ ကော်ဖီသောက်ခြင်းဟာ သူတို့ရဲ့ ဆေးလိပ်သောက်ချင်စိတ်ကို ပိုဖြစ်စေတယ်တဲ့။ ကျန်တဲ့ ၄၄% နဲ့ ၁၁%ရဲ့ ပြောပြချက်အရတော့ အရက်နဲ့ အသားတွေကို စားသုံးတာလဲ ကော်ဖီသောက်ပြီး ဖြစ်စေတဲ့ အကျိုးသက်ရောက်မှု အတိုင်း ထပ်တူညီတဲ့ ဆေးလိပ်သောက်ချင်တဲ့ ဆန္ဒကို တွန်းအားပေးပါတယ်တဲ့။ ဒါပေမယ့် ဆေးလိပ်ဆာတဲ့ ဆာလောင်မှုကို အနှောင့်အယှက်ပေး ဖျက်ဆီးတဲ့ အစားအသောက် တွေကတော့ ခုနကပြောတဲ့ နွားနို့၊ သစ်သီး၊ ဟင်းသီးဟင်းရွက်နဲ့ ရေတို့ပါပဲ။ ဆေးလိပ်သောက်ခြင်းဟာ အလွန်တရာမှ ဖျောက်ဖျက်ရခက်တဲ့ စွဲလန်းပြီး အကျင့်ပါသွားတဲ့ အမူအကျင့်တစ်ခုပေါ့။ အကယ်၍များ ဘယ်လို အကြောင်းအရာ၊ အစားအစားတွေကသာ "သူ့" ကို ခုခံမယ်၊ တွန်းလှန်မယ် ဆိုရင် ကျွန်မတို့ အဲ့ဒီ အကျင့်လေး ပျောက်ပျက် သွားဖို့ မကြိ်ုးစားကြည့်သင့်ကြဘူးလားနော်။

chaos

Monday, November 19

လူလေးယောက်၏ပုံပြင်

တစ်ခါတုန်းက လူလေးယောက် ပုံပြင်လေး တစ်ပုဒ်ပေါ့ကွယ်။ ဇာတ်လိုက်တွေကတော့ Everybody, Anybody, Somebody နဲ့ Nobody တဲ့။ တစ်နေ့မှာ အရေးကြီး ကိစ္စပေါ်လာတယ်။ ဒါနဲ့ Everybody ကိုအဲ့ဒီ ကိစ္စဆောင်ရွက်ဖို့ တာဝန်ပေးလိုက်တယ်။ Everybody ကထင်တာ Somebodyတော့ ဒီကိစ္စကို လုပ်မှာပဲပေါ့။ Anybodyများ လုပ်လေမလား ဆိုတဲ့အတွေးနဲ့ Nobody ကလဲမလုပ်လိုက်ဘူး။ ဒီလိုနဲ့ Somebodyက တအားစိတ်ဆိုးတာပေါ့၊ ဒါက Everybody လုပ်ရမယ့်အလုပ်လေ။ Everybody ကလဲထင်တယ် Anybody တော့ လုပ်မှာပဲလေ ဆိုပြီး နောက်ဆုံးမှာ Nobody ကသိလိုက်ရတာ Everybody ကလုပ်မှာမဟုတ်ဘူး ဆိုတာပါပဲ။ ပုံပြင်လေးရဲ့ အဆုံးမှာ Everybodyက Somebodyကို အပြစ်တင်တယ်၊ Anybodyကတော့ လုပ်သင့်တဲ့ အလုပ်ကို Nobody ကလဲ ၀င်မလုပ်လို့တဲ့ ပြောနေလေရဲ့။ ဒါကျွန်မဖတ်လိုက်ရတဲ့ အင်္ဂလိပ်စာလေးကို အတတ်နိုင်ဆုံး ကြိုးစားပြီး သင့်လျော်အောင် မြန်မာမှု ပြုထားတာပါ။ ဒါလေးဖတ်ပြီး ကျွန်မအတွေးတွေ ယောက်ယက်ခတ်ကုန်တယ်။ ကျွန်မတို့ တစ်ခါတစ်လေ ဘာဖြစ်လို့ အရေးကြီး ကိစ္စတွေမှာ သူများလုပ်မှာပဲ ဆိုတဲ့ အတွေးနဲ့ တန်ဖိုးရှိတဲ့ အချိန်ကိုကုန်ဆုံးလေ့ရှိကြတာလဲ။ တာဝန်ကို ဘာလို့မျက်ကွယ်ပြု မသိဟန်ဆောင်နေတာလဲ? လူများလုပ်တာကို စောင့်နေမှာလား? ကိုယ်ကိုယ်တိုင် ထလုပ်လိုက်လို့ကော ဒီကိစ္စမပြီးသွားဘူးလား? ကိုယ်ကိုယ်တိုင် တာဝန်သိစိတ် တကယ်ရှိတယ် ဆိုရင် လူတိုင်း ကိုယ်တတ်နိုင်တဲ့ ဘက်က ကိုယ့်ရဲ့ သမိုင်းပေးတာဝန်၊ အသိစိတ်က နှိုးဆော်လာတဲ့ တာဝန်၊ မဖြစ်မနေ ထမ်းရွက်ရမယ့်တာဝန် တွေကို အလေးအနက်နဲ့ ကိုယ်တတ်နိုင်တဲ့ ဘက်ကထမ်းဆောင်ရင်း တာဝန်ကျေပြွန်တဲ့ လူသားတွေ အဖြစ် လောကအလယ်မှာ ရပ်တည်လိုက်ရင် ဘ၀ဆိုတဲ့ စာလုံးနှစ်လုံးက အသက်ဝင်လာပြီး ပိုအဓိပ္ပါယ်ရှိလာမယ်လို့ ကျွန်မထင်ပါတယ်။

chaos

Thursday, October 25

သိပ္ပံပညာရှင်များ ယူဆထားသော ဦးနှောက် အလုပ်လုပ်ပုံ

ပြက်လုံးတစ်ခုခုကို ကြားလိုက်ရပြီဆိုရင် ဦးနှောက်ရဲ့ ဘယ်ဘက်မှာရှိတဲ့ (language centre) ကနေ စကားလုံးတွေကို နားလည်အောင် လုပ်ရပါတယ်။ ပြီးရင် ဦးနှောက်ရဲ့ ညာဘက်ခြမ်းကို သတင်းပြန်ပို့ရတယ်။ ဘာလို့လဲဆိုတော့ ဦးနှောက်ကို ဖုံးအုပ်ထားတဲ့ ညာဘက်အရှေ့ပိုင်းရဲ့ မီးခိုးရောင်အလွှာ (cortex)က နယ်ပယ်အစိတ်အပိုင်း အသီးသီးဖြစ်အောင် တူးဆွပေးတယ်။ အဲ့ဒီ အစိတ်အပိုင်းတွေမှာ ခံစားမှုအမျိုးမျိုး၊ ပုံရိပ်အမျိုးမျိုး ကိုသိုလှောင်ပေးပြီးမှ ရရှိလာတဲ့ သတင်းအချက်အလက်များကို ရောနှောပေးတယ်။ ဘာနဲပုံပမာတူလဲဆိုရင် တံခါးပေါက်ထဲ သော့လှည့်ဖွင့်လိုက်လို့ တံခါးပွင့်သွားသလိုပဲ ကျွန်မတို့ အဲ့ဒီအချိန်မှာ ပြက်လုံးတွေကို ဦးနှောက်က ရရှိသွားပါတယ်။ နောက်တစ်ဆင့် အနေနဲ့က ဦးနှောက်ရဲ့ အတွင်းပိုင်း တစ်နေရာကနေ "dopamine" လို့ခေါ်တဲ့ အရည်တစ်မျိုး ထုတ်လုပ်ပေးတယ်။ သူ့ရဲ့ စွမ်းဆောင်ချက်ကတော့ ကျွန်မတို့ကို လန်းဆန်းတဲ့ အာရုံသစ် ခံစားမှုပေးပြီး အရိုးခွံရဲ့ အောက်ခြေ အနီးဆုံးနေရာကနေ ရယ်မောခြင်းကို ပြုလုပ်ပေးပါတယ်။
မနေ့ညက ကျွန်မ ဖတ်လိုက်ရတဲ့ စာအုပ်ထဲက အကြောင်းအရာကို အတတ်နိုင်ဆုံး ဆီလျော်အောင် ဘာသာပြန်ထားခြင်းဖြစ်ပါတယ်။

chaos

Thursday, October 11

မခံစားနိုင်ဘူး


တစ်ခါတစ်လေ ကျွန်မတို့ဖတ်လိုက်တဲ့ စာတစ်ချို့ဟာ ကျွန်မတို့ကို ရပ်တန့်ပြီး စဉ်းစားခန်းဝင်သွားအောင် ဖမ်းစားနိုင်တယ်… တစ်ချို့စာတွေကို ကိုယ်ချစ်တဲ့ မိတ်ဆွေတွေနဲ့ အတူခံစားချင်လာတယ်…ဒီအောက်က အဖြစ်အပျက်လေးကလဲ ကျွန်မဖတ်လိုက်ရတဲ့ လူတွေပြောင်းလဲတတ် ပုံကို သရုပ်ဖော်ထားတဲ့
အကြောင်းအရာလေးပါ.......................


တစ်ခါက မျက်စိမမြင်တဲ့ ကောင်မလေးတစ်ယောက်က သူ့ဘ၀သူ ခါးသီးမိတယ်။
ဘာလို့လဲဆိုတော့ သူမရဲ့မျက်စိအလင်း ကွယ်ပျောက်နေလို့ပဲ။
လူတိုင်းကိုလဲ မုန်တီးမိတယ်..ဒါပေမယ့် သူ့ကိုသိပ်ချစ်တဲ့ ကောင်လေးကလွဲလို့ပေါ့။
ကောင်မလေး အလိုရှိတဲ့ အချိန်တိုင်း ကောင်လေးကအသင့်ပဲ။
ကောင်မလေးအမြဲပြောတဲ့ စကားတစ်ခွန်းကတော့ ကံကောင်းလို့ မျက်စိနှစ်လုံးအလင်း ပြန်ရပြီး ကမ္ဘာလောကကြီးကို မြင်တွေ့ခွင့်ရခဲ့ရင် ချစ်သူကောင်လေးကို လက်ထပ်မယ်တဲ့။
ကောင်မလေးရဲ့အိပ်မက်တွေ အကောင်အထည်ဖော်ဖို့ အခွင့်အရေးတစ်ခု ဖန်လာတယ်။
တစ်နေ့မှာ မျက်စိအလှူရှင်နဲ့တွေ့လို့ ကောင်မလေးမျက်စိနှစ်ကွင်းအလင်းပြန်ရခဲ့တယ်။
ဒါနဲ့ပဲကောင်လေးကကောင်မလေးကို"အခုနင်မျှော့်လင့်နေတဲ့ လောကအလှကို တွေ့ပြီဆိုတော့ ငါ့ကိုလက်ထပ်နိုင်ပြီလား"လို့လဲမေးလိုက်ရောကောင်မလေး တုန်လှုပ်သွားခဲ့တယ်။ သူမတွေ့လိုက်တာကမျက်မမြင်ကောင်လေးဖြစ်နေလို့လေ။
သူမကကောင်လေးရဲ့လက်ထပ်ခွင့်ကိုငြင်းလိုက်တယ်။
အကြောင်းကတော့အထွေအထူးမဟုတ်ပါဘူးမျက်ကန်းလေးဖြစ်နေလို့တဲ့...
ထိခိုက်ကြေကွဲစွာနဲ့ကောင်လေးဟာကောင်မလေးကိုထားပြီးအဝေးကိုထွက်သွားခဲ့တယ်...
မျက်ဝန်းမှာတော့မျက်ရည်လည်ရွဲနဲ့...
သိပ်မကြာခင်မှာကောင်မလေးဆီကိုကောင်လေးရဲ့စာတစ်စောင် ရောက်လာတယ်...
စာထဲမှာရေးထားတာက"ကျေးဇူးပြုပြီးငါ့မျက်ဝန်းနှစ်စုံကို စောင့်ရှောက်ပေးပါ"တဲ့.............

အခြေအနေ အချိန်အခါ ပြောင်းတာနဲ့ လူတွေဟာ ပြောင်းလဲကြတယ်နော်…

ကိုယ်ရဲ့ဘ၀ပေးအခြေအနေမှန်ကို မေ့တတ်ကြတယ်…တကယ်တမ်း ၀မ်းနည်းတုန်လှုပ်မှုတွေနဲ့ ထိပ်တိုက်ရင်ဆိုင်တွေ့ချိန် ဘယ်တစ်ဦးတစ်ယောက်ကများ ကိုယ့်ဘေးမှာ ရှိ…................နေ.............…မှာ................….လဲ….............................................................................
chaos